ରାଜ୍ୟସଭା ନିର୍ବାଚନ ୨୬ରେ ହେବ । ହେଲେ ତାପୂର୍ବରୁ ନାମାଙ୍କନ ଭରିଥିବା ୩୭ ଜଣ ପ୍ରାର୍ଥୀ ନିଦ୍ୱର୍ନ୍ଦ୍ୱରେ ନିର୍ବାଚିତ ହୋଇଛନ୍ତି । ସୁପ୍ରିମକୋର୍ଟର ପୂର୍ବତନ ମୁଖ୍ୟ ବିଚାରପତି ରଞ୍ଜନ ଗୋଗେଇ ରାଷ୍ଟ୍ରପତିଙ୍କ ମନୋନୀତ ପ୍ରାର୍ଥୀ ଭାବେ ରାଜ୍ୟସଭା ଯାଇଛନ୍ତି । ଏହାସହିତ ସେ ଗୁରୁବାର ରାଜ୍ୟସଭାରେ ଶପଥ ନେଇଛନ୍ତି ।

ସୂଚନା ଅନୁସାରେ, ୫୫ ଆସନ ପାଇଁ ୧୭ଟି ରାଜ୍ୟରେ ନାମାଙ୍କନ ଦାଖଲ ହୋଇଛି । ୩୭ ଜଣ ନିଦ୍ୱର୍ନ୍ଦ୍ୱରେ ନିର୍ବାଚିତ ହୋଇଥିବାରୁ ଏବେ ୧୮ଟି ଆସନ ପାଇଁ ଭୋଟିଂ ହେବ । ରିଟର୍ଣ୍ଣିଂ ଅଫିସର ନିର୍ବାଚିତ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି । ଏଥିରେ ଗୁଜରାଟ ଏବଂ ଆନ୍ଧ୍ର ପ୍ରଦେଶର ୪ଟି ଲେଖାଏଁ ଆସନ, ରାଜସ୍ଥାନ ଏବଂ ମଧ୍ୟପ୍ରଦେଶରେ ୩ଟି ଲେଖାଏଁ ଆସନ, ଝାଡ଼ଖଣ୍ଡରେ ୨ଟି, ମଣିପୁର ଏବଂ ମେଘାଳୟରେ ଗୋଟିଏ ଲେଖାଏଁ ଆସନ ପାଇଁ ନିର୍ବାଚନ ହେବ। ବିଜେପିକୁ ୭ଟି ରାଜ୍ୟସଭା ଆସନ ମିଳିଥିବା ବେଳେ ଏହାର ସହଯୋଗୀ ଜେଡିୟୁକୁ ୨ଟି ଆସନ ମିଳିଛି। ତାମିଲନାଡ଼ୁରେ ଏଆଇଏଡିଏମ୍‌କେକୁ ୨ ଆସନ, ବିପିଏଫ୍‌କୁ ଗୋଟିଏ ଆସନ ମିଳିଛି। ଓଡ଼ିଶାରେ ବିଜେଡିକୁ ୪ଟି ଏବଂ ପଶ୍ଚିମବଙ୍ଗରେ ତ୍ରୁଣମୂଳ କଂଗ୍ରେସକୁ ଗୋଟିଏ ଆସନ ମିଳିଛି। ତେଲେଙ୍ଗାନାରେ ଟିଆର୍‌ଏସ୍‌ ୨ଟି ଆସନ ହାସଲ କରିଛି। ସୂଚନା ଯେ, ଏନ୍‌ସିପି ସୁପ୍ରିମୋ ଶରଦ ପାୱାର, କେନ୍ଦ୍ରମନ୍ତ୍ରୀ ରାମଦାସ ଅଠାବଲେ, ରାଜ୍ୟସଭା ଉପାଧ୍ୟକ୍ଷ ହରିବଂଶ ନାରାୟଣ ସିଂହଙ୍କ ସମେତ ମୋଟ ୩୭ ପ୍ରାର୍ଥୀ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଥିବା ସୂଚନା ରହିଛି।

97total visits,2visits today