ଭାରତୀୟ କ୍ରିକେଟର ସ୍ମୃତି ମନ୍ଧାନା ତାଙ୍କ ବିବାହ ଭାଙ୍ଗିବା ପରେ ନୀରବତା ଭାଙ୍ଗିଛନ୍ତି। ସ୍ମୃତି ସ୍ପଷ୍ଟ ଭାବରେ କହିଛନ୍ତି ଯେ କ୍ରିକେଟ୍ ଅପେକ୍ଷା ତାଙ୍କୁ ଅଧିକ ଭଲ ପାଇବାର କିଛି ନାହିଁ। ନିକଟରେ ସଂଗୀତ ନିର୍ଦ୍ଦେଶକ ପଲାଶ ମୁଚ୍ଛଲଙ୍କ ସହ ତାଙ୍କର ବିବାହ ଭାଙ୍ଗିଯିବା ନେଇ ସେ ଓ ପଲାଶ ଉଭୟ ସୋସିଆଲ ମିଡିଆରେ ଘୋଷଣା କରିଥିଲେ। ଏହାପରେ ସ୍ମୃତିଙ୍କର ଏହା ପ୍ରଥମ ସାର୍ବଜନୀନ ଉପସ୍ଥିତି।

Amazon Smbhav Summit 2025 ରେ, ସେ କହିଥିଲେ ଯେ ଟିମ୍ ଇଣ୍ଡିଆ ଜର୍ସି ପିନ୍ଧିବା ତାଙ୍କର ସବୁଠାରୁ ବଡ଼ ଗର୍ବ। ଗତ ମାସରେ, ସ୍ମୃତି ମନ୍ଧାନା ଭାରତର 2025 ମହିଳା ଏକଦିବସୀୟ ବିଶ୍ୱକପ୍ ବିଜୟୀ ଦଳର ଅଂଶ ଥିଲେ। ଆଉ ଭାରତ ଜିତିବା ପଛରେ ତାଙ୍କୁ ମଧ୍ୟ ଶ୍ରେୟ ଦିଆଯାଉଥିଲା। ସ୍ମୃତି ମନ୍ଧାନା କହିଥିଲେ, “ମୁଁ ଭାବୁନାହିଁ ଯେ ମୁଁ କ୍ରିକେଟ୍ ଅପେକ୍ଷା ଆଉ କାହାକୁ ଅଧିକ ଭଲ ପାଏ। ଟିମ୍ ଇଣ୍ଡିଆ ଜର୍ସି ପିନ୍ଧିବା ମୋ ପାଇଁ ଗର୍ବର କଥା ଥିଲା।

ମନ୍ଧାନା ଆହୁରି ମଧ୍ୟ କହିଛନ୍ତି, “ମୋର ସବୁବେଳେ ବ୍ୟାଟିଂ ପ୍ରତି ଆଗ୍ରହ ରହିଛି। ମୋ ମନରେ କେବଳ ବିଶ୍ବବିଜେତା ହେବାର ଦେଖୁଥିଲି। ଆଉ ଭାରତ ଟିମ ତାହା ହାସଲ କରିଛି।

ନିକଟରେ ଶେଷ ହୋଇଥିବା ମହିଳା ବିଶ୍ୱକପ୍‌ରେ ଭାରତ ବିଜୟୀ ହେବାରେ ସ୍ମୃତି ମୁଖ୍ୟ ଭୂମିକା ଗ୍ରହଣ କରିଥିଲେ। ଡିସେମ୍ବର ୨୧ରୁ ଆରମ୍ଭ ହେବାକୁ ଥିବା ଶ୍ରୀଲଙ୍କା ବିପକ୍ଷ ଟି-୨୦ ଆନ୍ତର୍ଜାତୀୟ ସିରିଜ୍ ପାଇଁ ତାଙ୍କୁ ଭାରତୀୟ ଦଳର ଉପ-ଅଧିନାୟକ ଭାବରେ ମନୋନୀତ କରାଯାଇଛି।

Powered by Froala Editor