ଦକ୍ଷିଣ ଭାରତର ଲୋକପ୍ରିୟ ଅଭିନେତା ବିଜୟ ଦେବରକୋଣ୍ଡା ଓ ଅଭିନେତ୍ରୀ ରଶ୍ମିକା ମନ୍ଦାନା ଖୁବ୍ ଶୀଘ୍ର ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି। ଫ୍ୟାନ୍ସମାନେ ଏହି ପ୍ରେମୀ ଯୁଗଳଙ୍କୁ ‘VIROS’ ବୋଲି କହୁଛନ୍ତି। ଏହି ସମୟରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଏହି ଷ୍ଟାର୍ କପଲଙ୍କୁ ବିବାହ ପୂର୍ବରୁ ଶୁଭେଚ୍ଛା ଜଣାଇଛନ୍ତି। ବିବାହ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଦମ୍ପତିଙ୍କୁ ଶୁଭେଚ୍ଛା ଜଣାଇ ଏକ ସ୍ୱତନ୍ତ୍ର ଚିଠି ପଠାଇଥିଲେ। ଯାହାର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଚିଠିରେ ପ୍ରଧାନମନ୍ତ୍ରୀ  ଦମ୍ପତି ଏବଂ ସେମାନଙ୍କ ପରିବାରକୁ ଅଭିନନ୍ଦନ ଜଣାଇଛନ୍ତି।

ଖବର ଅନୁସାରେ, ୨୬ ଫେବୃଆରୀ ୨୦୨୬ରେ ITC Mementos Udaipur ହୋଟେଲରେ ଏହି ବିବାହ ଅନୁଷ୍ଠିତ ହେବ। ଏହି ବିଶେଷ ଅବସରରେ ପରିବାର ଓ ନିକଟତମ ସମ୍ପ୍ରକିୟମାନେ ଉପସ୍ଥିତ ହେବେ। ପ୍ରଧାନମନ୍ତ୍ରୀ ଦୁଇ ପରିବାରକୁ ଶୁଭକାମନା ଜଣାଇ ଏହି ନୂତନ ଜୀବନର ଆରମ୍ଭ ପାଇଁ ଆଶୀର୍ବାଦ ଦେଇଛନ୍ତି।

ପ୍ରଧାନମନ୍ତ୍ରୀଙ୍କ ସନ୍ଦେଶରେ ସେ କହିଛନ୍ତି ଯେ, ବିବାହ ହେଉଛି ଜୀବନର ଏକ ସୁନ୍ଦର ଓ ନୂଆ ଅଧ୍ୟାୟ। ‘ସଖା ସପ୍ତପଦୀ ଭବ’ ଉଲ୍ଲେଖ କରି ସେ କହିଛନ୍ତି, ସାତ ପଦ ଚାଲିବା ପରେ ଦୁଇଜଣ ସାରାଜୀବନ ପାଇଁ ସତ୍ୟ ସାଥୀ ଓ ମିତ୍ର ହୋଇଯାନ୍ତି। ଏହା କେବଳ ଦୁଇ ଲୋକଙ୍କ ନୁହେଁ, ଦୁଇଟି ପରିବାରଙ୍କ ମଧ୍ୟରେ ସମ୍ପର୍କକୁ ମଜବୁତ କରେ।

ସେ ତାଙ୍କ ମେସେଜରେ ଏହା ମଧ୍ୟ କହିଛନ୍ତି ଯେ, ସିନେମାର କାହାଣୀ ସହିତ ପରିଚିତ ଏହି ଦମ୍ପତ୍ତିଙ୍କ ପାଇଁ ବାସ୍ତବ ଜୀବନର ଏହି ନୂଆ ଅଧ୍ୟାୟ ଅଧିକ ସୁନ୍ଦର ହେବ। ତାଙ୍କର ସାଙ୍ଗତ୍ୟ ତାଙ୍କ ଜୀବନକୁ ଅଧିକ ଖୁସିମୟ କରିବ ବୋଲି ସେ ଆଶା ବ୍ୟକ୍ତ କରିଛନ୍ତି।

Powered by Froala Editor