ନୂଆଦିଲ୍ଲୀ : ମଧ୍ୟପ୍ରାଚ୍ୟରେ ଯୁଦ୍ଧ ବିଭିଷିକା ମଧ୍ୟରେ ଆଜି ସାରା ଦେଶରେ ଗ୍ୟାସ ସିଲିଣ୍ଡର ମହଙ୍ଗା ହୋଇଯାଇଛି। ଘରୋଇ ଏବଂ ବାଣିଜ୍ୟିକ ଉଭୟ ଗ୍ୟାସ ସିଲିଣ୍ଡରର ମୂଲ୍ୟ ବୃଦ୍ଧି ପାଇଛି।  ୧୪.୨ କିଲୋ ବିଶିଷ୍ଟ ଗ୍ୟାସ ସିଲିଣ୍ଡର ପିଛା ୬୦ ଟଙ୍କା ବୃଦ୍ଧି ପାଇଛି। ନୂତନ ଦର ଲାଗୁ ହେବା ପରେ ଦିଲ୍ଲୀରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୮୫୩ ଟଙ୍କାରୁ ୯୧୩ ଟଙ୍କାକୁ ବୃଦ୍ଧି ପାଇଛି। ପୂର୍ବରୁ, ୮ ଏପ୍ରିଲରେ ଘରୋଇ ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି କରାଯାଇଥିଲା। ୧୯ କିଲୋଗ୍ରାମର ବାଣିଜ୍ୟିକ ସିଲିଣ୍ଡରର ମୂଲ୍ୟ ପ୍ରତି କିଲୋ ୧୧୫ ଟଙ୍କା ହୋଇଛି। ଦିଲ୍ଲୀରେ ବାଣିଜ୍ୟିକ ସିଲିଣ୍ଡରର ମୂଲ୍ୟ ୧୭୬୮ ଟଙ୍କାରୁ ବୃଦ୍ଧି ପାଇ ୧୮୮୩ ଟଙ୍କା ହୋଇଛି।

୬୦ ଟଙ୍କା ମହଙ୍ଗା ହେବା ପରେ, ଘରୋଇ ସିଲିଣ୍ଡର କୋଲକାତାରେ ୮୭୯ ଟଙ୍କା ବଦଳରେ ୯୩୯ ଟଙ୍କା ହେବ। ମୁମ୍ବାଇରେ ଏହା ୮୫୨ ଟଙ୍କା ବଦଳରେ ୯୧୨ ଟଙ୍କାରେ ଉପଲବ୍ଧ ହେବ। ଚେନ୍ନାଇରେ ୮୬୮ ଟଙ୍କା ବଦଳରେ ୯୨୮ ଟଙ୍କା। ଭୋପାଳରେ ୮୫୮ ଟଙ୍କା ବଦଳରେ ୯୧୮ ଟଙ୍କା। ଜୟପୁରରେ ୮୫୬ ଟଙ୍କା ବଦଳରେ ୯୧୬ ଟଙ୍କା। ପାଟନାରେ ୯୫୧ ଟଙ୍କା ବଦଳରେ ୧୦୧୧ ଟଙ୍କା। ରାୟପୁରରେ ଏହା ୯୮୪ ଟଙ୍କାରେ ଉପଲବ୍ଧ ହେବ। କୋଲକାତାରେ ବାଣିଜ୍ୟିକ ସିଲିଣ୍ଡର ୧୮୭୫ ଟଙ୍କା ବଦଳରେ ୧୯୯୧ ଟଙ୍କାରେ ଉପଲବ୍ଧ ହେବ। ମୁମ୍ବାଇରେ ଏହା ୧୭୨୦ ଟଙ୍କା ବଦଳରେ ୧୮୩୫ ଟଙ୍କାରେ ଉପଲବ୍ଧ ହେବ।

Powered by Froala Editor