ପେଟ୍ରୋଲ ଏବଂ ଡିଜେଲ ଉପରେ ଉତ୍ପାଦ ଶୁଳ୍କ ଲିଟର ପିଛା ୮ ଟଙ୍କା ବୃଦ୍ଧି କରାଯାଇପାରେ। ଅର୍ଥମନ୍ତ୍ରୀ ନିର୍ମଳା ସୀତାରମଣ ଫାଇନାନ୍ସ ବିଲ୍ ୨୦୨୦ କୁ ଏକ ସୀମା ପର୍ଯ୍ୟନ୍ତ ସଂଶୋଧନ କରି ସରକାରଙ୍କୁ ପେଟ୍ରୋଲ ଏବଂ ଡିଜେଲ ଉପରେ ସ୍ୱତନ୍ତ୍ର ଉତ୍ପାଦ ଶୁଳ୍କ ଯଥାକ୍ରମେ ୧୮ ଏବଂ ୧୨ ଟଙ୍କା ବୃଦ୍ଧି କରିବାକୁ ଅନୁମତି ଦେଇଛନ୍ତି। ଲୋକସଭାରେ ବିତର୍କ ବିନା ସଂଶୋଧନ ସହିତ ଅର୍ଥ ବିଲ୍ ପାରିତ ହୋଇଛି ।

ଏହା ପୂର୍ବରୁ ପେଟ୍ରୋଲ ଓ ଡିଜେଲରେ ଉତ୍ପାଦ ଶୁଳ୍କ ଲିଟର ପ୍ରତି ଯଥାକ୍ରମେ ୧୦ ଟଙ୍କା ଏବଂ ୪ ଟଙ୍କାରେ ସୀମିତ ରହିଥିଲା। ଏହା ପୂର୍ବରୁ ମାର୍ଚ୍ଚ ୧୪ ତାରିଖରେ ସରକାର ଉଭୟ ପେଟ୍ରୋଲ ଓ ଡିଜେଲରେ ୩ ଟଙ୍କା ଲେଖାଏ ବୃଦ୍ଧି କରିଥିଲେ। ଏପରିକି ଉଭୟ କ୍ଷେତ୍ରରେ ୧ ଟଙ୍କା ରୋଡ୍‌ ଆଣ୍ଡ ଇନ୍‌ଫ୍ରାଷ୍ଟ୍ରକଚର ସେସ୍‌ ଲାଗୁ କରାଯାଇଥିଲା। ଯାହା ଦ୍ବାରା ବାର୍ଷିକ ଅତିରିକ୍ତ ୩୯,୦୦୦ କୋଟି ଟଙ୍କା ବୃଦ୍ଧି ହେବ ବୋଲି ଆଶା କରାଯାଉଛି।

ସୂଚନା ଅନୁଯାୟୀ, ଏହି ଦର ବୃଦ୍ଧି କାରଣରୁ ସରକାରଙ୍କୁ ୨ ହଜାର କୋଟି ଟଙ୍କାର ଫାଇଦା ହୋଇଥିଲା। ସଙ୍କଟଜନକ ଆର୍ଥିକ ସ୍ଥିତିରେ ରାଜସ୍ୱ ଆୟ ପାଇଁ ସରକାର ଏହି ମାଧ୍ୟମକୁ ବାଛିଛନ୍ତି। ଏହାର କାରଣ ସ୍ୱରୂପ କୁହାଯାଉଛି ଗତ କିଛି ଦିନ ତଳେ ହ୍ରାସ ପାଇଥିବା ଅବିଶୋଧିତ ତୈଳର ଦର। କେନ୍ଦ୍ର ସରକାରଙ୍କ ରାଜସ୍ୱରେ ବୃଦ୍ଧି ଘଟିଲେ ଏହା ଭିତ୍ତିଭୂମି ନିର୍ମାଣରେ ସହାୟକ ହେବ ବୋଲି କୁହାଯାଉଛି।

55total visits,3visits today