ବଢିଛି ସୁନା ଦର, ୧୨୫,୦୦୦ ଟଙ୍କା ଛୁଇଁବ
ପୁଣି ବଢିଛି ସୁନା ଦର । ୨୪ କ୍ୟାରେଟ୍ ୧୦ ଗ୍ରାମ୍ ସୁନା ଦାମ୍ ୧,୦୬,୯୭୦ ଟଙ୍କା ରହିଛି । ୨୨ କ୍ୟାରେଟ୍ ୧୦ ଗ୍ରାମ୍ ସୁନା ଦାମ୍ ୯୮,୦୫୦ ଟଙ୍କା ରହିଛି । ୧୮ କ୍ୟାରେଟ୍ ୧୦ ଗ୍ରାମ୍ ସୁନା ଦାମ୍ ୮୦,୨୩୦ ଟଙ୍କା ରହିଛି । ସେହିପରି ରୁପା ଦାମ୍ ମଧ୍ୟ ବୃଦ୍ଧି ହୋଇଛି । ୧୦୦ ଗ୍ରାମ୍ ରୁପା ଦାମ୍ ୧୩,୭୦୦ ଟଙ୍କା ରହିଛି । ଗତକାଲି ୧୩,୬୧୦ ଟଙ୍କା ଥିଲା । ଏଥିରେ ୯୦ ଟଙ୍କା ବୃଦ୍ଧି ହୋଇଛି ।
୨୦୨୫ ଶେଷ ସୁଦ୍ଧା ପ୍ରତି ଦଶ ଗ୍ରାମ ପାଇଁ ୯୯,୫୦୦ ରୁ ୧୧୦,୦୦୦ ଟଙ୍କା ଏବଂ ୨୦୨୬ ପ୍ରଥମ ଅର୍ଦ୍ଧଭାଗରେ ୧୧୦,୦୦୦ ରୁ ୧୨୫,୦୦୦ ଟଙ୍କା ମଧ୍ୟରେ ରହିବ ବୋଲି ICICI ବ୍ୟାଙ୍କର ଆର୍ଥିକ ଗବେଷଣା ଗୋଷ୍ଠୀ ଏକ ରିପୋର୍ଟରେ ଉଲ୍ଲେଖ କରିଛି।
ରିପୋର୍ଟ ଅନୁସାରେ, ଯଦି ଭାରତୀୟ ଟଙ୍କା ଆମେରିକୀୟ ଡଲାର ତୁଳନାରେ ୮୭.୦୦-୮୯.୦୦ ସୀମା ଅପେକ୍ଷା ଅଧିକ ଅବନମିତ ହୁଏ, ତେବେ ଏହି ମୂଲ୍ୟ ଆହୁରି ବୃଦ୍ଧି ପାଇପାରେ। ଦେଶୀୟ ବଜାରରେ ସୁନା ମୂଲ୍ୟ ବୃଦ୍ଧିରେ ଦୁର୍ବଳ ଟଙ୍କା ଏବଂ ନିବେଶ ଚାହିଦା ମୁଖ୍ୟ ଭୂମିକା ଗ୍ରହଣ କରିଛି। ଭାରତର ସୁନା ଆମଦାନୀ ଜୁନ୍ରେ ୧.୮ ବିଲିୟନ ଡଲାରରୁ ଜୁଲାଇ ୨୦୨୫ରେ ୪.୦ ବିଲିୟନ ଡଲାରକୁ ବୃଦ୍ଧି ପାଇଛି, ଯାହା ଉତ୍ସବ ଋତୁ ପୂର୍ବରୁ ଦୃଢ଼ ଚାହିଦାକୁ ପ୍ରତିଫଳିତ କରୁଛି।
Powered by Froala Editor
