ଏସିଆ କପ୍ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଛି । ଏସିଆ କପ୍ ପାଇଁ ସୂର୍ଯ୍ୟ କୁମାର ଯାଦବଙ୍କ ନେତୃତ୍ବରେ ୧୫ ଜଣିଆ ଭାରତୀୟ କ୍ରିକେଟ୍ ଦଳ ଘୋଷଣା ହୋଇଛି । ଶୁବମନ ଗିଲଙ୍କୁ ଉପ-ଅଧିନାୟକ ଦାୟିତ୍ବ ପ୍ରଦାନ କରାଯାଇଛି ।

ଏସିଆ କପ୍ ପାଇଁ ଶୁବମନ ଗିଲ, ଅଭିଶେକ ଶର୍ମା ଏବଂ ସଞ୍ଜୁ ସ୍ୟାମସଙ୍ଗ ଉପରେ ପୁଣି ଥରେ ଚୟନକର୍ତ୍ତା ଭରସା ଦେଖାଇଛନ୍ତି । ଟି-୨୦ର ଏକ ନମ୍ବର ଖେଳାଳି ଅଭିଷେକଙ୍କ ସମେତ ଦ୍ବିତୀୟ ସ୍ଥାନରେ ଥିବା ତିଲକ ବର୍ମାଙ୍କ ଉପରେ ମଧ୍ୟ ଚୟନକର୍ତ୍ତା ଭରସା ଦେଖାଇଛନ୍ତି ।

ଆସନ୍ତା ସେପ୍ଟେମ୍ବର ୯ରେ ହେବାକୁ ଥିବା ଏସିଆ କପ ପାଇଁ ଚୟନ କମିଟିର ବୈଠକ ବସିଥିଲା । ଏଥିରେ ବିଭିନ୍ନ ଖେଳାଳିଙ୍କ ନାମ ଉପରେ ଚର୍ଚ୍ଚା ହେବା ପରେ ଶେଷରେ ୧୫ ଜଣିଆ ନାମ ଚୂଡ଼ାନ୍ତ ହୋଇଥିଲା । ସଂଜୁ ସାମସନ ଓ ଅଭିଷେକ ବର୍ମା ଭାରତୀୟ ଦଳର ଓପନିଂ ସମ୍ଭାଳିବେ । ସେହିପରି ମଧ୍ୟକ୍ରମରେ ସୂର୍ଯ୍ୟକୁମାର, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, ତିଳକ ବର୍ମା, ରିଙ୍କୁ ସିଂ ଆଦି ରହିବେ । ବୋଲିଂ ବିଭାଗରେ ଯଶପ୍ରୀତ ବୁମରା, ବରୁଣ ଚକ୍ରବର୍ତ୍ତି, ଅର୍ଶଦୀପ ସିଂ, ହର୍ଷିତ ରାଣା ଓ କୂଳଦୀପ ଯାଦବଙ୍କୁ ସ୍ଥାନ ଦିଆଯାଇଛି ।

ଟପ ଅର୍ଡରରେ ସଞ୍ଜୁ, ଅଭିଶେଷ ଏବଂ ତିଲକ ଥିବା ବେଳେ ମିଡିଲ ଅର୍ଡର ସମ୍ଭାଳିବେ ଅଧିନାୟକ ସୂର୍ଯ୍ୟକୁମାର, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, ରିଙ୍କୁ ସିଂଙ୍କ ଭଳି ଖେଳାଳି । ଟିମରେ ଦ୍ବିତୀୟ ଓ୍ବିକେଟ କିପର ଏବଂ ବ୍ୟାଟ୍ସମ୍ୟାନ ଭାବେ ଜେତିଶ ଶର୍ମାଙ୍କୁ ସ୍ଥାନ ମିଳିଛି ।ବୋଲିଂ ବିଭାଗକୁ ଦେଖିଲେ ବୁମ୍ରା ଏବଂ ଅର୍ଶଦୀପ ପେସ ଆଟାକ ସମ୍ଭାଳିବେ । ସ୍ପିନିଂ ଭାଗକୁ ଦୃଢ଼ କରିବା ପାଇଁ ଟଇମରେ ବରୁଣ ଚର୍କବର୍ତ୍ତି ଏବଂ କୁଲଦୀପ ଯାଦବ ରହିବେ ।

Powered by Froala Editor