ଗତ ୨୨ ତାରଖ ଦିନ ପୁଲହ ହଷ୍ଟେଲରେ ରହୁଥିବା ଭିସୁଟ୍ ଇଲେକ୍ଟ୍ରିକାଲ ବିଭାଗର ଜଣେ ଛାତ୍ରଙ୍କୁ ତାଙ୍କ ଜଣେ ସହପାଠୀମାନେ ସଂଘବଦ୍ଧ ଆକ୍ରମଣ କରିଥିଲେ  । ଏହି ଘଟଣାରେ ଆକ୍ରମଣର ଶିକାର ହୋଇଥିବା ଛାତ୍ରଙ୍କ ଶରୀରର ବିଭିନ୍ନ ସ୍ଥାନରେ ଗଭୀର ଆଘାତ ଲାଗିଛି  । ଜଣେ ଛାତ୍ରୀଙ୍କୁ କେନ୍ଦ୍ର କରି ଏହି ଆକ୍ରମଣ ଘଟଣା ଘଟିଥିବା ଜଣାପଡିଛି  । ଏହି ଘଟଣାାର ତଦନ୍ତ ପାଇଁ ଏକ ଟିମ ଗଠନ ହୋଇଥିଲା । ରିପୋର୍ଟ ଆସିବା ପରେ ସଂପୃକ୍ତ ଛାତ୍ରମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ନିଷ୍ପତ୍ତି କରାଯାଇଥିଲା । ଏଥିପାଇଁ ୧୨ ଜଣ ଛାତ୍ରଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ବିଶ୍ୱବିଦ୍ୟାଳୟ  । ଦୁଇ ଛାତ୍ରଙ୍କୁ ଦୁଇ ବର୍ଷ ଏବଂ ୧୦ ଛାତ୍ରଙ୍କୁ ବର୍ଷକ ପାଇଁ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ବହିଷ୍କାର କରିଛନ୍ତି  । ଗତ ୨୨ ତାରିଖରେ ପୁଲହ ହଷ୍ଟେଲରେ ଜଣେ ତୃତୀୟ ବର୍ଷର ବିଟେକ ଛାତ୍ର ନିର୍ଯାତନାର ଶିକାର ହୋଇଥିଲେ  । ଏହାପରେ ଛାତ୍ରଙ୍କ ପରିବାର ଲୋକେ ଅଭିଯୋଗ ଆଣିଥିଲେ  । କୁଳପତି ଏ ନେଇ ଏକ ତଦନ୍ତ କମିଟି ଗଠନ କରି ତଦନ୍ତ ନିଦେ୍ର୍ଧଶ ଦେଇଥିଲେ  । ତଦନ୍ତ କମିଟିର ରିପୋର୍ଟ ଆଧାରରେ କୁଳପତି ଛାତ୍ରଙ୍କ ବିରୋଧରେ ଏପରି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି  ।
ଛାତ୍ର ଶୁଭଜିତ ଆଇଚ୍ ଏବଂ ସୌରଭ କୁମାର ନାଏକ ପ୍ରଥମେ ଗଣ୍ଡଗୋଳ ଆରମ୍ଭ କରିବା ସହିତ ସହପାଠୀଙ୍କୁ ଆକ୍ରମଣ କରିଥିବାରୁ ସେମାନଙ୍କୁ ୨ ବର୍ଷ ପାଇଁ ଭିସୁଟ୍ରୁ ବହିଷ୍କାର କରାଯାଇଛି । ସେମାନେ ପ୍ରଥମେ ଆକ୍ରମଣ କରିବା ପରେ ଅନ୍ତିମ ବର୍ଷର ଅନ୍ୟ ଛାତ୍ରମାନଙ୍କୁ ଡାକି ପୁଣି ସଂଘବଦ୍ଧ ଭାବେ ସଂପୃକ୍ତ ଛାତ୍ରଙ୍କୁ ଆକ୍ରମଣ କରିଥିଲେ । ତେଣୁ ସଂଘବଦ୍ଧ ଭାବେ ଆକ୍ରମଣ କରିଥିବା ଅବିନାଶ ଦାସ, ଅମ୍ରିତ ମହାନ୍ତି, ଶୁଭମ ଶେଖର ଆଚାର୍ଯ୍ୟ, ନିହାର ରଂଜନ ସାହୁ, ଅବିନାଶ ମହାନ୍ତି, ହୃଷିକେଶ ସେଠୀ, ଅକାଶ ମହାନ୍ତି, ନିଶାନ୍ତ କୁମାର ରାୟ, ହ୍ରିତେଶ କୁମାର ଭୋଇ ଏବଂ ପ୍ରକାଶ ଘଡେଇଙ୍କୁ ଏକ ବର୍ଷ ପାଇଁ ବହିଷ୍କାର କରାଯାଇଥିବା ଭିସୁଟ ସୂତ୍ରରୁ ପ୍ରକାଶ ।

Powered by Froala Editor