ଭାରତୀୟ ଖାଦ୍ୟ ସୁରକ୍ଷା ଏବଂ ମାନକ କର୍ତ୍ତୃପକ୍ଷ (FSSAI) ମେସର୍ସ ସେଭେନ ସିଜ ହସ୍ପିଟାଲିଟି ପ୍ରାଇଭେଟ୍ ଲିମିଟେଡ୍ ପରିସରରେ ଏକ ବଡ଼ ଯାଞ୍ଚ କରିଥିଲେ । FSSAI ସେଭେନ ସିଜ ହସ୍ପିଟାଲିଟିର ଲାଇସେନ୍ସକୁ ସସପେଣ୍ଡ କରିଥିଲା । 

ସେବନ୍ ସିଜ୍ ହସ୍ପିଟାଲିଟିରେ ହାଇଜିନ ସହ ସଂରକ୍ଷଣ ନିୟମକୁ ବି ବହୁମାତ୍ରାରେ ଅଣଦେଖା କରାଯାଉଥିଲା। ଯାଞ୍ଚ ଟିମ୍ ସବୁଠାରୁ ପ୍ରଥମେ ସେହି ସ୍ଥାନର ଯାଞ୍ଚ କରିଥିଲେ ଯେଉଁଠି ଖାଦ୍ୟ ରୋଷେଇ କରାଯାଉଛି । ସେଠାର ଚାଡ଼ିଆଡ଼େ ବହୁମାତ୍ରାରେ ଅଳିଆ ଥିବା ଦେଖାଯାଇଥିଲା । ପରିସର ଭିତରେ କେତେକ ଭାଗରେ ପାଣି ଜମାଥିବା ଦେଖାଯାଇଥିଲା । ରୋଷେଇ ଘରେ ବ୍ୟବହୃତ ହେଉଥିବା ଟମାଟୋ, କାଜୁଠାରୁ ଆରମ୍ଭ କରି ଗୁଡ଼ ପର୍ଯ୍ୟନ୍ତ ସବୁ କିଛି ଫିମ୍ପି ମାରିଯାଇଥିଲା । ପନିପରିବା ପାଇଁ ବ୍ୟବହୃତ କ୍ୟାପ୍ସିକମ୍ ସମ୍ପୂର୍ଣ୍ଣ ପଚିଯାଇଥିଲା। ସବୁଠାରୁ ଆଶ୍ଚର୍ଯ୍ୟର କଥା ହେଉଛି ପ୍ୟାନରେ ଥିବା ରନ୍ଧା ତେଲ ପୋଡ଼ି ସମ୍ପୂର୍ଣ୍ଣ କଳା ହୋଇଯାଇଥିଲା। ଏହି ସ୍ଥିତି ଦେଖି FSSAI ଟିମ୍ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଟିମ୍ ପ୍ରାୟ ୭୪କିଲୋଗ୍ରାମ ପଚା ଖାଦ୍ୟ ଘଟଣାସ୍ଥଳରୁ ନଷ୍ଟ କରିଦେଇଥିଲେ।

ଆଇନ ଅନୁଯାୟୀ, ନିରାମିଷ ଖାଦ୍ୟକୁ ଆମିଷ ଖାଦ୍ୟଠାରୁ ସମ୍ପୂର୍ଣ୍ଣ ଅଲଗା ରଖିବା ଉଚିତ। ମାତ୍ର ଯାଞ୍ଚ ସମୟରେ ନିରାମିଷ ସାମଗ୍ରୀ ସହିତ ଆମିଷ ସାମଗ୍ରୀ ସଂରକ୍ଷଣ ହୋଇଥିବା ଦେଖାଯାଇଥିଲା । ଛାତରୁ ସିଧାସଳଖ ଖାଦ୍ୟ ସାମଗ୍ରୀ ଉପରେ ପାଣି ପଡ଼ୁଥିଲା। କମ୍ପାନୀ ପରିସରରେ ପ୍ରବେଶ କରିବା ପରେ ଯାଞ୍ଚ ଟିମ୍ ସେଠାରେ ଏତେମାତ୍ରାରେ ଅବହେଳା ଥିଲା ଯେ ଅଧିକାରୀମାନେ କାର୍ଯ୍ୟାନୁଷ୍ଠାନ ନେବାକୁ ବାଧ୍ୟ ହୋଇଥିଲେ।

Powered by Froala Editor