ଅଗଷ୍ଟ ମାସରେ ଆବଶ୍ୟକତାଠାହରୁ ବହୁ କମ୍ ବର୍ଷା ହୋଇଛି । ବର୍ଷା ଅଭାବ ଯୋଗୁଁ ରୁଆ ଓ ବୁଣା ଧାନ ମରିବାକୁ ବସୁଲାଣି । ପ୍ରଚଣ୍ଡ ଖରା ଯୋଗୁଁ ଜମି ଫାଟି ଆଁ କରିଛି । କିପରି ଋଣ ଶୁଝିବେ, ପରିବାର ଚଳେଇବେ ବୋଲି ଚିନ୍ତାରେ ଅଛନ୍ତି । ବର୍ଷା ନ ହେଲେ ଧାନ ସବୁ ମରିଯିବା ନେଇ ଆଶଙ୍କା ସୃଷ୍ଟି ହୋଇଛି । ସବୁଆଡ଼ୁ ହତାସ ହୋଇ ଚାଷୀ ଏବେ ଗାଁ ଗାଁରେ ଇନ୍ଦ୍ର ପୂଜା କରୁଛନ୍ତି । ଏହି ପରିପ୍ରେକ୍ଷୀରେ ଝାରସୁଗୁଡା ଜିଲ୍ଲା କିର୍ମିରା ବ୍ଲକ ଠାକୁରପଡ଼ା ଗାଁରେ ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ୱାଳ ସପନôୀକ, ଭାଇ କ୍ଷୀରୋଦ ଚନ୍ଦ୍ର ବିଶ୍ୱାଳ ଓ ଗ୍ରାମବାସୀ ଏକତ୍ରିତ ହୋଇ ଇନ୍ଦ୍ର ଦେବତାଙ୍କୁ ପୂଜା କରିଛନ୍ତି । ଏହି ଅବସରରେ ଶ୍ରୀ ବିଶ୍ୱାଳ କହିଛନ୍ତି, ଅଗଷ୍ଟ ମାସରେ ବହୁତ କମ ବର୍ଷା ହୋଇଛି । ଅଗଷ୍ଟ ମାସର ରିପୋର୍ଟକୁ ଆଧାର କରି ଏବେଠାରୁ ମୁଖ୍ୟମନ୍ତ୍ରୀ ଓଡ଼ିଶାକୁ ମରୁଡ଼ି ଗ୍ରସ୍ତ ଘୋଷଣା କଲେ ମଧ୍ୟ କୌଣସି ବାଧା ନାହିଁ । ପରବର୍ତ୍ତୀ ସମୟରେ ଯାହା ଆବଶ୍ୟକ ତାହା ସଂଗ୍ରହ କରିବାର କଥା । କିନ୍ତୁ ଆଗରୁ ଘୋଷଣା କରି ଦେବା କଥା । ସରକାର ଆନୁଷଙ୍ଗିକ ସାହାଯ୍ୟ ମଧ୍ୟ ଲୋକଙ୍କୁ ଯୋଗାଇ ଦେବାର ଆବଶ୍ୟକତା ରହିଛି । ଧାରା ଶ୍ରାବଣ ସରିଗଲା, ଭାଦ୍ରବ ବି ଆସିଲା ହେଲେ ୨ ମାସ ହେବ ବର୍ଷା ଉଭାନ ହୋଇଯାଇଛି । ବର୍ଷା ଅଭାବ ଯୋଗୁଁ ଏବେ ଜମି ଫାଟି ଆଁ କରିଛି ଓ କେତେକ ସ୍ଥାନରେ ଧାନ ମରିଯାଉଛି । ଯାହାକୁ ଦେଖି ଚାଷୀଙ୍କ ଆଖିରୁ ନିଦ ହଜିଯାଇଛି । ପ୍ରଚଣ୍ଡ ରୌଦ୍ରତାପ ଓ ଜଳାଭାବ ଯୋଗୁଁ ଧାନ ହଳଦିଆ ହୋଇ ମରିବାକୁ ବସୁଛି । ହଜାର ହଜାର ଟଙ୍କା ଦେଇ ଉନ୍ନତ କିସମର ବିହନ ଚାଷ କରିଥିବା ଚାଷୀ ଏବେ ଆଶା ଓ ଆଶଙ୍କା ମଧ୍ୟରେ ଅଛନ୍ତି ।

Powered by Froala Editor