କିଛି ଦିନର କଳ୍ପନାଜଳ୍ପନା ପରେ ଶେଷରେ ବିଜେପି ଛାଡ଼ିଛନ୍ତି କେ.ଆନ୍ନାମଲାଇ। ତାମିଲନାଡ଼ୁ ବିଜେପିର ପୋଷ୍ଟର ବୟ ତଥା ଫାଏର ବ୍ରାଣ୍ଡ ନେତା ଥିବା ଆନ୍ନାମଲାଇ ଶେଷର ବିଜେପିକୁ ବାଏ ବାଏ କରିଛନ୍ତି। ଏନେଇ ବିଜେପି ପକ୍ଷରୁ ବିଧିବଦ୍ଧ ଭାବେ ବି ସୂଚନା ଦିଆଯାଇଛି। 

ବିଜେପିରୁ ଇସ୍ତଫା ପରେ ସେ ‘ଓ୍ବି ଦି ଲିଡର୍ସ’ ନାମରେ ନୂଆ ରାଜନୈତିକ ଆନ୍ଦୋଳନ ଆରମ୍ଭ କରିଥିବା ଶୁକ୍ରବାର ଘୋଷଣା କରିଛନ୍ତି। ନେତାମାନେ ତାଲିମ ନେବା ସହ କ୍ୟାଡର ଗଠନ ପରେ ନୂଆ ରାଜନୈତିକ ଦଳରେ ପରିଣତ ହେବ। ପ୍ରସ୍ତାବିତ ଦଳ ଆଗାମୀ ବିଧାନସଭା ନିର୍ବାଚନ ଲଢ଼ିବ ବୋଲି ଆନ୍ନାମଲାଇ କହିଛନ୍ତି। ଯାହା ପୁଣି ଥରେ ଅନେକ ପ୍ରଶ୍ନ ତାମିଲନାଡ଼ୁ ରାଜନୀତିରେ ସୃଷ୍ଟି କରିଛି।

ଯେଉଁମାନେ ଉକ୍ତ ଆନ୍ଦୋଳନରେ ସାମିଲ ହେବାକୁ ଓ ସମର୍ଥନ କରିବାକୁ ଆଗ୍ରହୀ ସେମାନଙ୍କୁ ଓ୍ବେବ୍‌ସାଇଟି wetheleaders.orgରେ ପଞ୍ଜୀକୃତ ହେବାକୁ କୁହାଯାଇଛି। ଜନସାଧାରଣଙ୍କ ସେବା ଓ ନିର୍ବାଚନୀ ରାଜନୀତି ପାଇଁ ଆଗ୍ରହୀ ନେତାମାନଙ୍କୁ ତାଲିମ ଦେବା ଲାଗି ଏପିଜେ ଅବଦୁଲ କଲାମ ସେଣ୍ଟର ଫର୍‌ ଏଥିକ୍ସ ଆଣ୍ଡ ପଲିଟିକ୍ସ ଗଠନ କରାଯାଇଥିବା ଆନ୍ନାମଲାଇ ଘୋଷଣା କରିଛନ୍ତି। ଯେଉଁମାନେ ଉକ୍ତ ସେଣ୍ଟରରୁ ତାଲିମ୍‌ ନେବେ, ସେମାନଙ୍କୁ ପୌର ନିର୍ବାଚନରେ ପ୍ରାର୍ଥୀ କରାଯିବ। 

ଦୁଇ ଦନ ତଳେ ଦିଲ୍ଲୀରେ ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ ଆନ୍ନାମଲାଇ। ସେବେଠୁ ସେ ଦଳ ଛାଡ଼ିବେ ବୋଲି ଚର୍ଚ୍ଚା ହେଉଥିଲା। ତାମିଲନାଡ଼ୁ ରାଜନୀତିରେ ଥଲାପତି ବିଜୟଙ୍କ ବଡ଼ ଏଣ୍ଟ୍ରି ପରେ ନୂଆ ସମୀକରଣ ସୃଷ୍ଟି ହୋଇଛି। ଏହାକୁ ନଜରରେ ରଖି ନୂଆ ଦଳ କେତେ ମାତ୍ରାରେ ପ୍ରଭାବିତ କରିବ ତା ଉପରେ ବି ସାରା ଦେଶର ନଜର ରହିଛି।

Powered by Froala Editor