ଅକ୍ଟୋବର ୧୧ରୁ ମା’ମାଣିକେଶ୍ୱରୀଙ୍କ ଛତର ଯାତ୍ରା, ବିଜୟାଦଶମୀରେ ହେବ ଲାଖବିନ୍ଧା
ଅକ୍ଟୋବର ୧୧ରେ ହେବ କଳାହାଣ୍ଡିର ପ୍ରସିଦ୍ଧ ମା’ମାଣିକେଶ୍ୱରୀଙ୍କ ଛତର ଯାତ୍ରା । ଏଥିପାଇଁ ବ୍ୟାପକ ପ୍ରସ୍ତୁତି ହେବ । ତେଣୁ ଜିଲ୍ଲା ପ୍ରଶାସନ ଆରମ୍ଭ କରିଦେଲେଣି ଆଲୋଚନା । ଜିଲ୍ଲାପାଳ ପାୱାର ସଚିନ୍ ପ୍ରକାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏନେଇ ପ୍ରସ୍ତୁତି ବୈଠକ ହୋଇଥିବା ସୂଚନା ମିଳିଛି ।
ସୂଚନା ଅନୁଯାୟୀ, ଅକ୍ଟୋବର ୧୦ ତାରିଖ ମହାଷ୍ଟମୀ ରାତିରେ ମା’ଙ୍କ ସ୍ୱତନ୍ତ୍ର ପୂଜାର୍ଚ୍ଚନା କରାଯିବ । ୧୧ରେ ମା’ଙ୍କ ପବିତ୍ର ଛତ୍ରଯାତ୍ରା ଜେନାଖାଲରେ ପୂଜାର୍ଚ୍ଚନା କରିବା ପରେ ମନ୍ଦିର ଆଡକୁ ଭକ୍ତଙ୍କ ଗ୍ରହଣରେ ଯାତ୍ରା କରିବେ । ୧୨ ତାରିଖ ବିଜୟା ଦଶମୀରେ ଅପରାହ୍ନ ୪ଟାରୁ ୬ଟା ମଧ୍ୟରେ ଲାଖବିନ୍ଧା କାର୍ଯ୍ୟକ୍ରମ ହେବ । ଯାତ୍ରାର ପାରମ୍ପରିକ ରୀତିନୀତି ଓ ଧାର୍ଯ୍ୟ ସମୟ ନିର୍ଘଣ୍ଟ ପରବର୍ତ୍ତୀ ସମୟରେ ସୂଚାଇ ଦିଆଯିବ ।
ଛତର ଯାତ୍ରାରେ ବିଭିନ୍ନ ସାଂସ୍କୃତିକ ଦଳ ଅଂଶଗ୍ରହଣ କରିବେ । ଯାତ୍ରାକୁ ଶାନ୍ତିଶୃଙ୍ଖଳାର ସହ ଆୟୋଜନ କରିବାକୁ ଜିଲ୍ଲାପାଳ ସମସ୍ତଙ୍କ ସହଯୋଗ କାମନା କରିଛନ୍ତି । କହିରଖୁଛୁ, ମା’ଙ୍କ ପ୍ରସିଦ୍ଧ ଛତର ଯାତ୍ରାରେ ମାନସିକପୂରଣ ଲାଗି ଭିଡ ହୋଇଥାଏ । ବହୁ ସଂଖ୍ୟାରେ ଲୋକମାନେ ଛତର ଯାତ୍ରାକୁ ଆସିଥାନ୍ତି ।
Powered by Froala Editor
