ରାମ ମନ୍ଦିରକୁ ଦୁର୍ଲ୍ଲଭ ଘଣ୍ଟା ଉପହାର ଦେଲେ ପରିବା ବିକାଳୀ
ରାମଲଲାଙ୍କ ପ୍ରାଣ ପ୍ରତିଷ୍ଠା ପାଇଁ ଚାଲିଛି ଜୋରଦାର ପ୍ରସ୍ତୁତି। ସଜେଇ ହେଉଛି ଅଯୋଧ୍ୟା। ପ୍ରଭୁ ରାମଚନ୍ଦ୍ରଙ୍କ ପ୍ରାଣ ପ୍ରତିଷ୍ଠା ଉତ୍ସବ ପାଇଁ ଦେଶର କୋଣ ଅନୁକୋଣରୁ ଉପହାର ଆସୁଥିବା ବେଳେ ଅଯୋଧ୍ୟା ଉତ୍ତରପ୍ରଦେଶର ଏକ ପରିବା ବିକାଳୀ ଅଯୋଧ୍ୟା ରାମ ମନ୍ଦିର ପାଇଁ ନଅଟି ଦେଶର ସମୟ ଦେଖାଉଥିବା ଏକ ଦୁର୍ଲଭ ଘଣ୍ଟା ଉପହାରରେ ଦେଇଛନ୍ତି ।
ଏ ବିଶ୍ୱ ଘଣ୍ଟା ପ୍ରଦାନ କରିଛନ୍ତି ଲକ୍ଷ୍ନୌର ଜଣେ ପରିବା ବିକାଳୀ ଅନିଲ କୁମାର ସାହୁ। ଏହି ଘଣ୍ଟାର ପେଟେଣ୍ଟ ରହିଥିବା ବେଳେ ଏହା ଏକା ସଙ୍ଗରେ ୯ଟି ଦେଶର ସମୟ ଦେଖାଇ ପାରିବ। ମନ୍ଦିର ପରିସରରେ ଏହି ଘଣ୍ଟାକୁ ଲଗାଯିବ। ଅନିଲ କୁମାର ସାହୁ ରାମ ମନ୍ଦିର ଟ୍ରଷ୍ଟର ମହା ସଚିବ ଚମ୍ପତ ରାୟଙ୍କୁ ଏହି ବିଶ୍ବ ଘଣ୍ଟା ଦେଇଛନ୍ତି ।
ସେହିଭଳି ଗୁଜୁରାଟ ସୁରଟର ଜଣେ ହୀରା ବ୍ୟବସାୟୀ ରାମ ମନ୍ଦିର ଥିମ୍ ରେ ହାର ତିଆରି କରିଛନ୍ତି । ସେ ଅଯୋଧ୍ୟା ରାମ ମନ୍ଦିର ପାଇଁ ହାର ଉପହାର ଦେବେ ବୋଲି ଇଚ୍ଛା ପ୍ରକାଶ କରିଛନ୍ତି । ଏହି ହାରଟି ଅଯୋଧ୍ୟା ରାମ ମନ୍ଦିରର ବିଷୟବସ୍ତୁ ଉପରେ ଆଧାରିତ ।
Powered by Froala Editor
