ବିଜେପି ପାଇଁ ପ୍ରଚାର କରିବେ ସୁପରଷ୍ଟାର କନ୍ନଡ଼ ଅଭିନେତା
ବେଙ୍ଗାଲୁରୁ: ବିଶିଷ୍ଟ କନ୍ନଡ଼ ଅଭିନେତା ସୁଦୀପ ସଞ୍ଜୀବ ଓରଫ କିଚ୍ଚା ସୁଦୀପ ବୁଧବାର କହିଛନ୍ତି ଯେ, ସେ କର୍ଣ୍ଣାଟକରେ ନିର୍ବାଚନ ଲଢ଼ିବେ ନାହିଁ କିନ୍ତୁ ବିଜେପି ପାଇଁ ପ୍ରଚାର କରିବେ । କର୍ଣ୍ଣାଟକ ମୁଖ୍ୟମନ୍ତ୍ରୀ ବସବରାଜ ବୋମାଇଙ୍କ ସହ ଏକ ସାମ୍ବାଦିକ ସମ୍ମିଳନୀରେ ସୁଦୀପ କହିଛନ୍ତି ଯେ, ତାଙ୍କର ମୁଖ୍ୟମନ୍ତ୍ରୀ ବୋମାଇଙ୍କ ପ୍ରତି ଯଥେଷ୍ଟ ସମ୍ମାନ ଓ ଭଲପାଇବା ରହିଛି । ସେଥିପାଇଁ ସେ ବିଜେପି ସପକ୍ଷରେ ନିର୍ବାଚନ ପ୍ରଚାର କରିବାକୁ ଆସିଛନ୍ତି । ବୋମାଇ ତାଙ୍କୁ ବ୍ୟକ୍ତିଗତ ସ୍ତରରେ ବହୁବାର ସାହାର୍ଯ୍ୟ ମଧ୍ୟ କରିଛନ୍ତି ବୋଲି ସେ କହିଛନ୍ତି । ବିଜେପି ପାଇଁ ନିର୍ବାଚନ କରିବା ମାଧ୍ୟମରେ ସେ ତାଙ୍କୁ କୃତଜ୍ଞତା ପ୍ରକାଶ କରିବାକୁ ଚାହୁଁଛନ୍ତି । ବିଜେପିକୁ ସମର୍ଥନ କରିବା ପରେ ସୁଦୀପଙ୍କୁ ଏକ ଧମକପୂର୍ଣ୍ଣ ପତ୍ର ମିଳିଛି । ତାଙ୍କର କେତେକ ବ୍ୟକ୍ତିଗତ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ କରାଯିବ ବୋଲି ଧମକ ଦିଆଯାଇଥିବାରୁ ଏ ନେଇ ସୁଦୀପ ଏତଲା ରୁଜୁ କରିଛନ୍ତି ।
Powered by Froala Editor
