ସବୁ ବର୍ଗର ଲୋକ ଏବେ ସୋସିଆଲ ମିଡିଆରେ ବେଶ୍ ସକ୍ରିୟ । ବ୍ଲଗ୍ ହେଉ କିମ୍ବା ରିଲ୍ସ ସବୁଦିନ ପୋଷ୍ଟ କରିବା ଯେମିତି ଟ୍ରେଣ୍ଡ ହୋଇଗଲାଣି । ବେଶୀ ଛୋଟ ପିଲାଙ୍କ ଭିଡିଓରେ ଲାଇକ୍ କମେଣ୍ଟ ଅଧିକ ଆସୁଛି । ତେବେ ଜାଣିଛନ୍ତି କି? ଫ୍ରାନ୍ସ ସରକାର ପିଲାଙ୍କ ଫଟୋ ସେୟାରିଂରେ କଟକଣା ଲଗାଇଛନ୍ତି । ଯଦି ବାପା ମା ପିଲାଙ୍କ ଫଟୋ ସୋସିଆଲ ମିଡିଆରେ ଛାଡିବେ ତେବେ ସେମାନଙ୍କୁ ଦଣ୍ଡ ଭୋଗିବାକୁ ପଡିବ । ଏଥିପାଇଁ ସେଠାକାର ସରକାର କଡା କଟକଣା ଜାରି କରିଛନ୍ତି । 

ଫ୍ରାନ୍ସ ସରକାରଙ୍କ ଏପରି ନିଷ୍ପତ୍ତିକୁ ବିଭିନ୍ନ ମହଲରେ ସ୍ୱାଗତ କରାଯାଉଛି । ତେବେ ଏହି ବିଲ ଫ୍ରାନ୍ସ ସିନେଟରେ ପାସ ହେବା ପରେ ରାଷ୍ଟ୍ରପତିଙ୍କ ଅନୁମତି ପାଇବା ପରେ ଏହା ଆଇନର ମାନ୍ୟତା ପାଇବ । ସୋସିଆଲ ମିଡିଆାରେ ସେୟାର ହେଉଥିବା ପିଲାଙ୍କ  ଫଟୋର ଦୁରୁପଯୋଗ କରାଯାଉଛି । ବାପା-ମା’ମାନେ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ପିଲାଙ୍କ ଫଟୋ ସେୟାର କରୁଛନ୍ତି ଯାହାକୁ ଚାଇଲଡ ପର୍ଣ୍ଣୋଗ୍ରାଫି ବ୍ୟବହାର କରାଯାଉଛି । ଏହାଦ୍ୱାରା ପିଲାଙ୍କ ପ୍ରତି ବିପଦ ବଢ଼ୁଥିବାର ଅନେକ ଘଟଣା ସାମ୍ନାକୁ ଆସିଛି।

ବାପା-ମା’ମାନେ ଯଦି  ପିଲାଙ୍କ ଫଟୋ ଅପଲୋଡ କରିବାକୁ ଚାହାଁନ୍ତି ତେବେ ପିଲାଙ୍କ ବୟସ ଓ ବୁଝିବା ଶକ୍ତିକୁ ଦୃଷ୍ଟିରେ ରଖି ସେମାନଙ୍କ ଠାରୁ ଅନୁମତି ନେବେ । ସେମାନେ ଯଦି ଏଭଳି ପୋଷ୍ଟରେ ସହମତି ନଦେବେ ତେ‌ବେ ବାପା ଓ ମା’ମାନେ ପିଲାଙ୍କ କୌଣସି ବି ଫଟୋକୁ ପୋଷ୍ଟ କରି ପାରିବେ ନାହିଁ।

Powered by Froala Editor