ଏଲପିଜି ସିଲିଣ୍ଡରର ମୂଲ୍ୟ ୫୦ ଟଙ୍କାକୁ ବୃଦ୍ଧି
ନୂଆଦିଲ୍ଲୀ: ମାର୍ଚ୍ଚ ପହିଲାରୁ ବଢିଲା ଗ୍ୟାସ୍ ଦର । ଦୀର୍ଘ ଦିନ ପରେ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି କରିଛନ୍ତି ଘରୋଇ ଗ୍ୟାସ କମ୍ପାନୀ । ଦର ପରିବର୍ତ୍ତନ ପରେ ରାଜଧାନୀ ଦିଲ୍ଲୀରେ ୧୪.୨ କେଜି ଘରୋଇ ଏଲପିଜି ସିଲିଣ୍ଡରର ଦାମ୍ ୧୧୦୩ ଟଙ୍କାକୁ ବୃଦ୍ଧି ପାଇଛି । ଯାହା ବର୍ତ୍ତମାନ ଯାଏଁ ୧୦୫୩ ଟଙ୍କା ମିଳୁଥିଲା । ତେବେ ଆଜିଠାରୁ ଅର୍ଥାତ୍ ମାର୍ଚ୍ଚ ୧ରୁ ଲାଗୁ ହେଉଛି ଏହି ନୂଆ ଦର । ଏହାପୂର୍ବରୁ, ଜୁଲାଇ ୬,୨୦୨୨ରେ ମୂଲ୍ୟ ବୃଦ୍ଧି କରିଥିଲା କମ୍ପାନୀ । ସେତେବେଳେ ବି ସିଲିଣ୍ଡରର ଦାମ୍ ମଧ୍ୟ ୫୦ ଟଙ୍କାକୁ ବୃଦ୍ଧି ପାଇ ୧୦୫୩ ଟଙ୍କା ହୋଇଥିଲା ।
ଅନ୍ୟପଟେ ଗତ କିଛି ମାସ ଧରି ବ୍ୟବସାୟିକ ଏଲପିଜି ସିଲିଣ୍ଡର ମୂଲ୍ୟରେ ହ୍ରାସ ଦେଖିବାକୁ ମିଳିଥିଲା । କିନ୍ତୁ ଏବେ ୧୯ କେଜି ସିଲିଣ୍ଡରର ମୂଲ୍ୟ ବୃଦ୍ଧି କରିଛି କମ୍ପାନୀ । କମର୍ସିଆଲ୍ ସିଲିଣ୍ଡର ପିଛା ୩୫୦,୫୦ଟଙ୍କା ବୃଦ୍ଧି ପାଇଛି । ଦର ବୃଦ୍ଧି ପାଇ ଗ୍ୟାସ ଦର ୨୧୧୯.୫୦ଟଙ୍କାକୁ ବୃଦ୍ଧି ପାଇଛି । ଏହାପୂର୍ବରୁ ସିଲିଣ୍ଡର ପିଛା ରହିଥିଲା ୧୭୬୯ ଟଙ୍କା । ଜାନୁଆରୀ ୧ ରେ କମର୍ସିଆଲ୍ ସିଲିଣ୍ଡରର ମୂଲ୍ୟରେ ବୃଦ୍ଧି ପାଇଥିଲା ୨୫ ଟଙ୍କା ।
ଗତ କିଛି ମାସ ଧରି ବ୍ୟବସାୟିକ ଗ୍ୟାସ ସିଲିଣ୍ଡରର ମୂଲ୍ୟ ହ୍ରାସ ପାଇଥିବାର ଦେଖାଯାଇଥିଲା । ୧ ମଇ ୨୦୨୨ରେ, ବ୍ୟବସାୟିକ ଗ୍ୟାସ ସିଲିଣ୍ଡରର ମୂଲ୍ୟ ୨୩୫୫ ଟଙ୍କା ରହିଥିଲା । ତେବେ ଲଗାତର ଦ୍ୱିତୀୟ ଥର ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ବୃଦ୍ଧି ପାଇଛି । ଏହାପୂର୍ବରୁ, ଜୁଲାଇ ୬,୨୦୨୨ରେ ସିଲିଣ୍ଡରର ମୂଲ୍ୟ ୫୦ ଟଙ୍କା ବୃଦ୍ଧି ପାଇଥିଲା ।
Powered by Froala Editor