ଏହି ସମୟରେ ଝାଡୁ କଲେ ହୋଇଥାଏ ଅଶୁଭ
![ଏହି ସମୟରେ ଝାଡୁ କଲେ ହୋଇଥାଏ ଅଶୁଭ](https://odishanewslens.com/news_gallery/18095_1670468893.png)
ଘର ସହିତ ଜଡିତ ଅନେକ କାର୍ଯ୍ୟ ଏବଂ ନିୟମିତ ଭାବରେ କରାଯାଉଥିବା କାର୍ଯ୍ୟ ମଧ୍ୟ ବାସ୍ତୁ ଶାସ୍ତ୍ରର ଏକ ଅଂଶ। ବାସ୍ତୁ ଶାସ୍ତ୍ର ଅନୁସାରେ ଏହିସବୁ ଜିନିଷକୁ ଅଣଦେଖା କରିବା ଦ୍ୱାରା ଖରାପ ପ୍ରଭାବ ପକାଇଥାଏ । କୁହାଯାଏ ଯେ ଘର ସଫା ସୁତୁରା ଥିଲେ ମା’ ଲକ୍ଷ୍ମୀ ଘରେ ସବୁବେଳେ ବାସ କରନ୍ତି । ସୂର୍ଯ୍ୟୋଦୟ ପରେ ସମସ୍ତେ ସକାଳେ ନିଜ ଘର ସଫା କରନ୍ତି, କିନ୍ତୁ ବାସ୍ତୁ ଶାସ୍ତ୍ର ଅନୁଯାୟୀ, ସନ୍ଧ୍ୟାରେ ଘର ସଫା କରିବା, ଖାସ କରି ସୂର୍ଯ୍ୟାସ୍ତ ପରେ ଝାଡୁ କରିବା ଅଶୁଭ ହୋଇଥାଏ ।
ଆସନ୍ତୁ ଜାଣିବା ଏହି ସମ୍ବନ୍ଧୀୟ ବାସ୍ତୁ ନିୟମ ...
ବାସ୍ତୁ ଶାସ୍ତ୍ର ଅନୁଯାୟୀ, ସକାଳେ ଘର ସଫା କରିବା ଉଚିତ୍ ଅଟେ । ସୂର୍ଯ୍ୟାସ୍ତ ପର୍ଯ୍ୟନ୍ତ ଆପଣ ଝାଡୁ କରିପାରିବେ, କିନ୍ତୁ ବାସ୍ତୁ ଅନୁସାରେ ରାତିରେ ସଫା କରିବା ଠିକ୍ ନୁହେଁ । ଏହା ଦ୍ୱାରା ଘରେ ଲକ୍ଷ୍ମୀଙ୍କ ଆଗମନ ହୋଇନଥାଏ ।
ବିଳମ୍ବିତ ସନ୍ଧ୍ୟା ଓ ରାତିରେ ଝାଡୁ କରିବାକୁ ବାରଣ କରାଯାଇଛି । ଏହିଭଳି କରିବା ଦ୍ୱାରା ଘରୁ ଲକ୍ଷ୍ମୀ ଚାଲିଯାଆନ୍ତି । ଏହାଦ୍ୱାରା ପରିବାର ସଦସ୍ୟଙ୍କ ସ୍ୱାସ୍ଥ୍ୟ, ସୁଖ ଓ ଶାନ୍ତି ସହ ଜଡିତ ସମସ୍ୟା ମଧ୍ୟ ହୋଇଥାଏ ।
- ବାସ୍ତୁ ଅନୁଯାୟୀ ଘରର ଝାଡୁକୁ ଦଉଡିରେ ବାନ୍ଧି ରଖିବା ଉଚିତ୍ । ଝାଡୁର ଅଂଶ ଏପଟେ ସେପଟେ ପଡିବା କଥା ନୁହେଁ । ଏହାଦ୍ୱାରା ଧନ ହାନି ହୋଇଥାଏ ।
- ବାସ୍ତୁ ଅନୁସାରେ, ଟଙ୍କା ଭଳି ଝାଡୁକୁ ମଧ୍ୟ ଲୁଚାଇ ରଖିବା ଉଚିତ୍ । ଝାଡୁ ଲୁଚାଇ ରଖିବା ଲାଭଦାୟକ ହୋଇଥାଏ । ଏହାଦ୍ୱାରା ଘରେ ଲକ୍ଷ୍ମୀ ବାସ କରନ୍ତି ଓ ଦରିଦ୍ର୍ୟତା ଦୁରେଇ ରହେ । ଝାଡୁକୁ ସବୁବେଳେ ଶୁଆଇ ରଖିବା ଉଚିତ୍ । ଏହାଦ୍ୱାରା ଆର୍ଥିକ ସଙ୍କଟ ଆସିନଥାଏ ।
- ଝାଡୁ ରଖିବାର ସଠିକ ଦିଗ ଦକ୍ଷିଣ ଦିଗ ଅଟେ । ଏହାଦ୍ୱାରା ଘରକୁ ସୁଖ ସମୃଦ୍ଧି ଆସିଥାଏ । ରାତି ସମୟରେ ଝାଡୁକୁ ଘରର ମୁଖ୍ୟ ପ୍ରବେଶ ଦ୍ୱାରରେ ରଖିବା ଲାଭଦାୟକ ହୋଇଥାଏ । ରାତି ସମୟରେ ମୁଖ୍ୟ ଦ୍ୱାରରେ ଝାଡୁ ରଖିବା ଦ୍ୱାରା ଘରକୁ ନକାରାତ୍ମକ ଶକ୍ତି ପ୍ରବେଶ କରିନଥାଏ ।
- ବାସ୍ତୁ ଅନୁଯାୟୀ ଖାଇବା ଜାଗାରେ ମଧ୍ୟ ଝାଡୁ ରଖିବା ଅନୁଚିତ। ଖାଇବା ସ୍ଥାନରେ ମା’ ଅନ୍ନପୂର୍ଣ୍ଣା ବାସ କରନ୍ତି । ଏହି ସ୍ଥାନରେ ଝାଡୁ ରଖିଲେ ପରିବାର ସଦସ୍ୟଙ୍କ ସ୍ୱାସ୍ଥ୍ୟ ସମସ୍ୟା ହୋଇଥାଏ ।
Powered by Froala Editor