ଆମର ସଚେତନ ମସ୍ତିଷ୍କ ଯାହା ସବୁ ଦେଖିଥାଏ ଶୋଇବାବେଳେ ସେଇସବୁ ଜିନିଷ ଅବଚେତନ ମସ୍ତିଷ୍କରେ ସ୍ବପ୍ନ ଆକାରରେ ଆମକୁ ଦେଖାଯାଇଥାଏ। ଏହିସବୁ ସ୍ବପ୍ନ କେବେ ମନେ ରହେ ତ କେବେ ଉଠିବାର କିଛି ସମୟ ପରେ ମନରୁ କୁଆଡୁ ଲିଭିଯାଏ। ଅନେକେ କୁହନ୍ତି ସ୍ବପ୍ନ ତ କେବଳ ସ୍ବପ୍ନ, ସେ କ’ଣ କେବେ ସତ ହୋଇପାରେ। ତେବେ ଆଉ କେତେକେ କୁହନ୍ତି ସ୍ବପ୍ନ ସବୁ କେବଳ ସ୍ବପ୍ନ ନୁହେଁ ବରଂ ଆଗାମୀ ଦିନରେ ଘଟିବାକୁ ଥିବା ଘଟଣାର ଗୋଟେ ଗୋଟେ ସଙ୍କେତ। ତେଣୁ ସ୍ବପ୍ନକୁ କେବେ ହେୟଜ୍ଞାନ କରିବା ଠିକ୍‌ ନୁହେଁ। ସ୍ବପ୍ନରେ ତ ଆମେ ଅନେକ କଥା ଦେଖିଥାଉ। ତେବେ କେହି କେବେ ଫୁଲକୁ ନେଇ ସ୍ବପ୍ନ ଦେଖିଛନ୍ତି କି? ଯଦି ଦେଖିଛନ୍ତି ତେବେ ସେଇ ସ୍ବପ୍ନ କ’ଣ ସଙ୍କେତ ଦିଏ ଜାଣିବାକୁ ଇଛା ନିଶ୍ଚୟ ହୋଇଥିବ। ତେବେ ଜାଣନ୍ତୁ …

ଗୋଲାପ: ସ୍ବପ୍ନ ଶାସ୍ତ୍ର ଅନୁସାରେ ସ୍ବପ୍ନରେ ପ୍ରେମର ପ୍ରତୀକ ଗୋଲାପ ଫୁଲ ଦେଖିବାର ଅର୍ଥ ହେଉଛି ଆପଣଙ୍କ ଜୀବନରେ ପ୍ରେମର ଫୁଲ ଫୁଟିବ। ମନ ବୁଝିପାରିବା ତଥା ବହୁତ ଭଲ ପାଉଥିବା ମଣିଷ ଜଣେ ଜୀବନକୁ ସୁନ୍ଦର କରିବାକୁ ଆସିବେ। ଯଦି ଆପଣଙ୍କ ଜୀବନରେ ସାଥୀଟିଏ ଅଛନ୍ତି ଆଉ ଏହି ସ୍ବପ୍ନ ଦେଖୁଛନ୍ତି ତେବେ ତା’ର ଅର୍ଥ ଆପଣଙ୍କୁ ଅଧିକ ପ୍ରେମ ଓ ମାନସମ୍ମାନ ମିଳିବ।

ପଦ୍ମ ଫୁଲ: ସ୍ବପ୍ନରେ ପଦ୍ମ ଫୁଲ ଦେଖିବା ଶୁଭ ସଙ୍କେତ ଦେଇଥାଏ। ଏହା ସଙ୍କେତ ଦିଏ ଯେ, ମା’ ଲକ୍ଷ୍ମୀଙ୍କ କୃପାରୁ ଆପଣଙ୍କର ଧନଲାଭ ହେବ।

ଗେଣ୍ଡୁ ଫୁଲ: ସ୍ବପ୍ନ ଶାସ୍ତ୍ର ଅନୁସାରେ ସ୍ବପ୍ନରେ ଗେଣ୍ଡୁ ଫୁଲ ଦେଖିବା ଅର୍ଥ ଆପଣଙ୍କ ହାତରେ କୌଣସି ବଡ ପୁଣ୍ୟ କାମ ହେବାକୁ ଯାଉଛି।

ରଙ୍ଗବିରଙ୍ଗର ଫୁଲ: ରଙ୍ଗ ବିରଙ୍ଗର ସୁନ୍ଦର ଫୁଲ ସ୍ବପ୍ନରେ ଦେଖିବା ସଙ୍କେତ ଦିଏ ଯେ, ଖୁବ୍‌ ଶୀଘ୍ର କିଛି ଶୁଭ ଖବର ମିଳିବ।

ମଲ୍ଲି ଫୁଲ: ସୁନ୍ଦର ମହକଭରା ମଲ୍ଲି ଫୁଲକୁ ସ୍ବପ୍ନରେ ଦେଖିବା ଭାଗ୍ୟ ଚମକିବାର ଇଶାରା ଦିଏ । ତା’ସହ ଜୀବନରେ ନିଶ୍ଚୟ କିଛି ଖୁସିର ଖବର ଆସିବ ବୋଲି ସୂଚନା ଦିଏ।

ଫୁଲର ମାଳା: ଫୁଲର ମାଳା ସ୍ବପ୍ନ କହେ ଆପଣଙ୍କ ଘରେ କିଛି ମାଙ୍ଗଳିକ କାର୍ଯ୍ୟ ହେବାକୁ ଯାଉଛି।

ବାସି ଝାଉଁଳି ଯାଇଥିବା ଫୁଲ: ଝାଉଁଳି ଯାଇଥିବା ବାସି ଫୁଲ ସ୍ବପ୍ନେରେ ଆସିଲେ ଏହା ସୂଚାଇଥାଏ ଯେ, ଆପଣଙ୍କର କୌଣସି ନିକଟତର ଲୋକଙ୍କ ସହ ଝଗଡା ବା ମନୋମାଳିନ୍ୟ ହୋଇପାରେ। ତେଣୁ ସତର୍କ ରହିବା ଜରୁରୀ।

Powered by Froala Editor