ହାଡକୁ ମଜବୁତ କରେ ହେଂଗୁ ଓ ଘିଅ
ଦିନକୁ ଦିନ ବଦଳିବାରେ ଲାଗିଛି ପରିବେଶ। ଯାହାପାଇଁ ମଣିଷ ଶରୀରେ ଅନେକ ପ୍ରକାର ରୋଗ ମଧ୍ୟ ହେଉଛି। ମେଡିକାଲ ଯିବା କିଛି ଲୋକଙ୍କ ପାଇଁ ନୀତି ଦିନିଆ କଥା ହୋଇ ଗଲାଣି। କିନ୍ତୁ ଆପଣ ନିଜ ଘରେ ରଖିଥିବା ଜିନିଷ ଖାଇ ମଧ୍ୟ ଅନେକ ରୋଗ ଦୂର କରି ପାରିବେ। ଯାହା ମଧ୍ୟରେ ଆସୁଛି ହେଂଗୁ ଓ ଘିଅ। ଏହାକୁ ଏକାଠି ଖାଇବା ଦ୍ବାରା ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ।
ପେଟ ଯନ୍ତ୍ରଣା ଅନୁଭବ କରୁଥିଲେ ଆପଣ ହେଙ୍ଗୁ ଏବଂ ଘିଅ ଖାଇପାରିବେ। ହେ଼ଙ୍ଗୁ ଓ ଘିଅ ଅନେକ ପୁଷ୍ଟିକର ଗୁଣରେ ଭରପୂର। ଘିଅରେ ଭିଟାମିନ୍ ଏ, ଭିଟାମିନ୍ କେ, ପ୍ରୋଟିନ୍ ଏବଂ ଆଣ୍ଟିଅକ୍ସିଡାଣ୍ଟ ପରି ପୋଷକ ତତ୍ତ୍ୱ ଭରି ରହିଛି। ଅନ୍ୟପକ୍ଷରେ ହେଙ୍ଗୁରେ ପ୍ରୋଟିନ୍, ଫାଇବର, କ୍ୟାଲସିୟମ୍, ଫସଫରସ୍, ଆଇରନ୍, କାରୋଟିନ୍, ରାଇବୋଫ୍ଲାଭିନ ଏବଂ କାର୍ବୋହାଇଡ୍ରେଟ୍ରେ ଭରପୂର ରହିଛି। ଯାହା ଶରୀର ପାଇଁ ଲାଭଦାୟକ। ପେଟ ଜନିତ ସବୁ ରୋଗକୁ ଘିଅ ଓ ହେଙ୍ଗୁ ଦୂର କରେ ବୋଲି କୁହାଯାଇଛି।
ହାଡକୁ ମଧ୍ୟ ଏହା ମଜବୁତ କରିବାରେ ଲାଭଦାୟକ। ହାଡକୁ ଶକ୍ତିଶାଳୀ କରିବା ପାଇଁ ହେଙ୍ଗୁ ଏବଂ ଘିଅକୁ ଏକାଠି ଖାଇବା ଦରକାର। ଏଥିରେ କ୍ୟାଲସିୟମ ମିଳିଥାଏ, ଯାହା ହାଡକୁ ଶକ୍ତିଶାଳୀ କରିବାରେ ସାହାଯ୍ୟ କରିଥାଏ। ଆହୁରି ମଧ୍ୟ, ଏହା ହାଡ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ। ପ୍ରତିରକ୍ଷା ପ୍ରଣାଳୀକୁ ମଜବୁତ କରିବାରେ ଲାଭଦାୟକ ଘିଅ ଓ ହେଙ୍ଗୁ।
ଯଦି ଆପଣଙ୍କ ମୁଣ୍ଡବିନ୍ଧା ବାରମ୍ବାର ହୁଏ ତେବେ ଗୁଆ ଘିଅ ଓ ହେଙ୍ଗୁ ଖାଇବା ଦ୍ବାରା ଏହା ଆପଣଙ୍କ ମୁଣ୍ଡ ବିନ୍ଧା କମ୍ କରେ। କାରଣ ଏଥିରେ ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି, ଯାହା ମୁଣ୍ଡ ବ୍ୟଥା ବନ୍ଦ କରିଥାଏ ଏବଂ ମୁଣ୍ଡବିନ୍ଧାରୁ ଆରାମ ଦେଇଥାଏ।
Powered by Froala Editor