ସ୍ୱାଇନ ଫ୍ଲୁ ପାଇଁ ସତର୍କ ରୁହ
ଭୁବନେଶ୍ୱର : ରାଜ୍ୟରେ କିଛି ସ୍ଥାନରେ ସ୍ୱାଇନ ଫ୍ଲୁ ସନ୍ଦିଗ୍ଧ ନଜରକୁ ଆସିଛନ୍ତି । ଚଳିତମାସ ୧ ତାରିଖରେ ସ୍ୱାସ୍ଥ୍ୟମନ୍ତ୍ରୀ ଏ ସଂକ୍ରାନ୍ତରେ ବିଭାଗକୁ ଏକ ଚିଠି ଲେଖିଥିଲେ । ଏ ଦୃଷ୍ଟିରୁ ସ୍ୱାଇନ ଫ୍ଲୁ ପାଇଁ ସତର୍କ ରହିବା ଲାଗି ସବୁ ସିଡିଏମଓ, କ୍ୟାପିଟାଲ ହସ୍ପିଟାଲ ଓ ଆରଜିଏଚର ନିର୍ଦେଶକଙ୍କୁ ରାଜ୍ୟରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଚିଠି ଜାରି ହୋଇଛି । ବିଭାଗ ପକ୍ଷରୁ କୁହାଯାଇଛି ଯେ ଯେଉଁ ସନ୍ଦିଗ୍ଧ ସ୍ୱାଇନ ପ୍ଲୁ ଆସିବେ ସେମାନଙ୍କର ସ୍କ୍ରିନିଂ ସହିତ ରେକର୍ଡ ରଖାଯାଉ ।
ଏହାସହ ସ୍ୱାଇନ ଫ୍ଲୁର ସଂକ୍ରମଣ ଯେପରି ନ ବ୍ୟାପିବ ସେଥିପାଇଁ ଉପଯୁକ୍ତ ପଦକ୍ଷେପ ଗ୍ରହଣ କରିବା ଲାଗି ବିଭାଗ ପକ୍ଷରୁ ନିର୍ଦେଶ ଦିଆଯାଇଛି । ଉଲ୍ଲେଖ ଯେ ୨ ମାସ ତଳେ ରାଜଧାନୀରେ ଜଣେ ସ୍ୱାଇନ ଫ୍ଲୁରେ ଆକ୍ରାନ୍ତ ହୋଇଛି । ୨ଜଣ ସନ୍ଦିଗ୍ଧଙ୍କ ନମୁନା ପରୀକ୍ଷା ହୋଇଥିଲା ବେଳେ ଜଣେ ପଜିଟିଭ ଆସିଥିଲା ।
Powered by Froala Editor
