ବଢୁଛି ଲୁଟେରାଙ୍କ ଉତ୍ପାତ, ଝାମ୍ପିନେଲେ ୩ କେଜି ସୁନା
ଗୁଣୁପୁର: ଦିନକୁ ଦିନ ଲୁଟେରାଙ୍କ ଉତ୍ପାତ ବଢୁଛି । ପୋଲିସ୍ ଯେତେ ଚାଲାକ ହେଉନା କାହିଁକି ପୋଲିସ୍ ଆଖିରେ ଧୂଳି ଦେଇ ଲୁଟେରା ତିଆରି କରୁଛନ୍ତି ଲୁଟର ବ୍ଲୁ-ପ୍ରିଣ୍ଟ । ନିକଟରେ ଅନେକ ସ୍ଥାନରୁ ଭିନ୍ନ ଭିନ୍ନ ଢଙ୍ଗରେ ଲୁଟେରାମାନେ ଲୁଟ କରିଥିବାବେଳେ ଆଜି ଦୋକାନ ସାମ୍ନାରୁ ୩ କେଜି ସୁନା ଗହଣା ଲୁଟି ନେଇଛନ୍ତି ଦୁର୍ବୃତ୍ତ ।
ଗୁଣୁପୁର ହଳଦିଆ ନାଳ ନିକଟ ଗହଣା ଦୋକାନ ସାମ୍ନାରୁ ଏହି ଲୁଟ ହୋଇଛି । ସୂଚନା ଅନୁସାରେ ଦୋକାନ ଖୋଲିବା ପାଇଁ ଚାବି ଆଣିବାବେଳେ ଏହି ଲୁଟ ହୋଇଛି । ଦୋକାନୀ ପାଖରେ ଥିବା ନିଜର ଆଉ ଏକ ଦୋକାନରୁ ଚାବି ଆଣିବାବେଳେ ଏହାର ସୁଯୋଗ ନେଇ ଲୁଟେରା ଲୁଟ କରିଛନ୍ତି ।
ଏକ ପଲସରରେ ୨ଜଣ ଦୁର୍ବୃତ୍ତ ଆସି ବ୍ୟାଗରେ ଥିବା ୩ କେଜି ସୁନା ଗହଣା ଓ ୨ଲକ୍ଷ ଟଙ୍କା ଲୁଟ୍ କରିଛନ୍ତି ବୋଲି ଅଭିଯୋଗ ହୋଇଛି । ଏନେଇ ଥାନାରେ ଏତଲା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
Powered by Froala Editor
