ଦୁଇ କଅଁଳ ଶିଶୁଙ୍କୁ ଧରି କୂଅକୁ ଡେଇଁ ପଡ଼ିଲା ମା’
ଘରୋଇ କଳିରୁ ଜଣେ ମହିଳା ନିଜ ୨ ପିଲାଙ୍କ ସହ କୂଅକୁ ଡେଇଁପଡିଛି । ତେବେ ଦୁଇ ପିଲାଙ୍କ ମୃତ୍ୟୁ ଘଟିଥିବାବେଳେ ମହିଳା ଜଣଙ୍କ ଆହତ ହୋଇଛନ୍ତି । ଝାଡ଼ଖଣ୍ଡର ଗିରିଡିହ ଜିଲ୍ଲା ଦେଉଣି ଗାଁରେ ଏ ସମ୍ବେଦନଶୀଳ ଘଟଣା ଘଟିଛି।
କୂଅକୁ ଡେଇଁଥିବା ମହିଳା ଜଣକ ହେଉଛନ୍ତି ୨୫ ବର୍ଷୀୟ ମମତା। ଘରୋଇ କଳହରୁ ଉତ୍ତ୍ୟକ୍ତ ହୋଇ ଗତକାଲି ଦିନ ଗୋଟାଏ ବେଳେ ମମତା ତାର ଦୁଇ ପିଲାକୁ ଧରି ଆତ୍ମହତ୍ୟା ପାଇଁ ଘରୁ ବାହାରି ଥିଲେ । ନିଜର ଦୁଇ ସନ୍ତାନ ୨ ବର୍ଷର ଚିକୁ ଏବଂ ୫ ମାସର ସୁହାନୀଙ୍କୁ ସାଙ୍ଗରେ ନେଇ କୂଅକୁ ଡେଇଁ ପଡ଼ିଥିଲେ। ଖବର ପାଇ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଗ୍ରାମବାସୀମାନେ ମମତାଙ୍କ ସହ ପିଲାକୁ ଉଦ୍ଧାର କରିବାରେ ସକ୍ଷମ ହୋଇଥିଲେ। ସଙ୍ଗେ ସଙ୍ଗେ ୩ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ସେଠାରେ ୨ ଜଣ ଛଆଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏନେଇ ପୁଲିସ ଏକ ମାମଲା ରୁଜୁ କରିଛି ।
Powered by Froala Editor
