ପ୍ରତିଶୋଧ ପୂରଣ ପାଇଁ ୫୮ଟି ଗାଈକୁ ବିଷ ଦେଇ ହତ୍ୟା କରିଛି ଜଣେ ମାନସିକ ବିକୃତ ଯୁବକ । ଏପରି ଅଭାବନୀୟ ଘଟଣା ନୋଏଡା ଥାନା ଅନ୍ତର୍ଗତ ସୁରଜପୁର ଅଞ୍ଚଳ ଖୋଦନା ଖୁର୍ଦ ଗାଁରେ ଘଟିଛି। ଅଭିଯୁକ୍ତ ଜଣକ ପୂର୍ବରୁ ଏଠାରେ କାମ କରୁଥିଲା। କାମରୁ ବାହାର କରି ଦିଆଯିବାରୁ ପ୍ରତିଶୋଧ ପରାୟଣ ହୋଇ ବିଷ ଦେଇ ଗାଈଙ୍କୁ ହତ୍ୟା କରିଥିବା ପୋଲିସ ଅଧିକାରୀ କହିଛନ୍ତି।

ପୋଲିସ କମିଶନରଙ୍କ ମୁଖପାତ୍ର ଆଲୋକ ସିଂହ କହିଛନ୍ତି, ଖୋଦନା ଖୁର୍ଦ ଗାଁରେ ରହୁଥିବା ଓମବୀର ନାଗରଙ୍କ ଗୋଶାଳା ରହିଛି। ଏଠାରେ ବହୁ ସଂଖ୍ୟାରେ ଗାଈ ରହିଛନ୍ତି। ହେଲେ ଓମବୀର ନାଗରଙ୍କ ୫୮ ଗାଈ ପାଞ୍ଚ ଦିନ ଭିତରେ ସନ୍ଦିଗ୍ଧ ଅବସ୍ଥାରେ ମୃତ୍ୟୁ ଘଟିଛି। ଏହା ପରେ ସେ ଥାନାରେ ଅଭିଯୋଗ କରିଥିଲେ। ଯେତେବେଳେ ପୁଲିସ ପ୍ରାଣୀ ଚିକିତ୍ସକଙ୍କ ଏକ ଟିମକୁ ଡାକି ଏହାର ଅନୁସନ୍ଧାନ କଲା, ସେତେବେଳେ ବିଷଜନିତ କ୍ରିୟାରୁ ଗାଈମାନଙ୍କର ମୃତ୍ୟୁ ହୋଇଥିବା ଜଣାପଡିଥିଲା। ଏହା ପରେ ପୁଲିସ ଏହି ଘଟଣାର ଅନୁସନ୍ଧାନ କରିଥିଲା । ଆଉ ଆଜି ଫାର୍ମର ଜଣେ ପୂର୍ବତନ କର୍ମଚାରୀ ଧର୍ମେନ୍ଦ୍ରଙ୍କୁ ସନ୍ଦେହରେ ଅଟକ ରଖି ପଚରାଉଚୁରା କରିଥିଲା । ପଚରାଉଚରା ବେଳେ ପୁଲିସ ଜାଣିବାକୁ ପାଇଲା ଯେ ଧର୍ମେନ୍ଦ୍ର ସବୁବେଳେ ନିଶା ସେବନ କରନ୍ତି, ଯେଉଁଥିପାଇଁ ତାଙ୍କୁ ଫାର୍ମରୁ କାଢି ଦିଆଯାଇଥିଲା | ଏଥିରେ ରାଗିଯାଇ ସେ ପାଣିରେ ବିଷ ମିଶାଇଦେଇଥିଲେ, ଯାହାକୁ ପିଇ ୫୮ ଗାଈଙ୍କ ପାଞ୍ଚ ଦିନ ଭିତରେ ମୃତ୍ୟୁ ଘଟିଛି। 

Powered by Froala Editor