ଲକଜରୀ ଲ୍ୟାମବୋର୍ଗିନୀ ଉର୍ସ ଗ୍ରାଫାଇଟ କ୍ୟାପସୁଲ କାର କିଣିଲେ ଏନଟିଆର
ଦେଶର ପ୍ରଥମ ବ୍ୟକ୍ତି ଭାବେ ସୁପରଷ୍ଟାର ଜୁନିୟର ଏନଟିଆର ଲ୍ୟାମବୋର୍ଗିନୀ ଉର୍ସ ଗ୍ରାଫାଇଟ କ୍ୟାପସୁଲ କାର କିଣିଛନ୍ତି । ବାଙ୍ଗାଲୋର ଶୋ ରୁମରୁ ସେ କିଣିଥିବା ଏହି କାରର ମୂଲ୍ୟ ପ୍ରକାଶ କରାଯାଇ ନଥିଲେ ମଧ୍ୟ ୪ରୁ ୪.୫ କୋଟି ହେବ ବୋଲି ଅନୁମାନ କରାଯାଉଛି । ଏହି ଲକଜରୀ କାର ୩.୬ ସେକେଣ୍ଡ ମଧ୍ୟରେ ୦ରୁ ୧୦୦ କିଲୋମିଟର ପ୍ରତି ଘଂଟାର ବେଗ ଧରିପାରିବ । ୨୦୦ କିମି ପ୍ରତି ଘଂଟା ବେଗରେ ଯିବା ପାଇଁ ଏହାକୁ ମାତ୍ର ୧୨.୮ ସେକେଣ୍ଡ ସମୟ ଲାଗିବ । ଏସୟୁଭି କାରରେ ୩ଟି ଟଇଏଫଟି ସ୍କ୍ରିନ୍ସ ଲାଗିଛି ଏବଂ ୬ ଡ୍ରାଇଭିଂ ମୋଡସ ରହିଛି । ୩୦୫ କିଲୋମିଟର ପ୍ରତି ଘଂଟାରେ ଏହା ଯାଇପାରିବ । କୁହାଯାଉଛି, ଜୁନିୟର ଏନଟିଆରଙ୍କ କାର ପ୍ରତି ଅହେତୁକ ଦୁର୍ବଳତା ରହିଛି । ସମସ୍ତ ପ୍ରକାରର ଆଧୁନିକ କାର ସେ ତାଙ୍କ ଘରେ ରଖିଛନ୍ତି ।
Powered by Froala Editor
