ଗ୍ରାହକ ସାଜି ଆସିଲେ, ୧୪ ଗ୍ରାମ୍ ସୁନା ହାର ନେଇଗଲେ
ଗ୍ରାହକ ସାଜି ଗହଣା ଦୋକାନରୁ ଅଳଙ୍କାର ଲୁଟି ନେଇଛନ୍ତି ଜଣେ ଦୁର୍ବୃତ୍ତ । ବାଲେଶ୍ୱର ଜିଲ୍ଲା ସୋର ଥାନା ବଡଖୁରି ଛକରେ ଜଗଧାତ୍ରୀ ଜୁଏଲାରୀରେ ଏହି ଚୋରି ହୋଇଛି । ପ୍ରାୟ ୧୪ ଗ୍ରାମ ଓଜନର ସୁନା ଦୁର୍ବୃତ୍ତ ଜଣକ ନେଇ ଫେରାର ହୋଇଯାଇଛି । ସୋର ଥାନା ପୁଲିସ ତଦନ୍ତ କରୁଥିବାବେଳେ ବହୁତ ଶୀଘ୍ର ଚୋରକୁ ଧରାଯିବ ବୋଲି ଥାନାଧିକାରୀ କହିଛନ୍ତି ।
ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ସୋର ଥାନା ବଡଖୁରି ଛକରେ ଜଗଧାତ୍ରୀ ଜୁଏଲାରୀରେ ଜଣେ ଦୁର୍ବୃତ୍ତ ଏକ ୧୪ ଗ୍ରାମ୍ ଓଜନର ସୁନା ନେକ୍ଲେସ୍ ଦେଖୁଥିବା ବେଳେ ଅନ୍ୟ ଗ୍ରାହକ ଆସିବାରୁ ଗହଣା ଦୋକାନର ମାଲିକ ଅନ୍ୟ ଗ୍ରାହକଙ୍କୁ ଗହଣା ଦେଖାଉଥିଲେ । ଏତିକି ବେଳେ ଦୁର୍ବୃତ୍ତ ଜଣକ ଅଳଙ୍କାର ନେଇ ଚମ୍ପଟ୍ ମାରିଥିଲେ । ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି। ଗହଣା ଦୋକାନର ମାଲିକ ଟୁନୁ ସାହୁ ଏନେଇ ସୋର ଥାନାରେ ଅଭିଯୋଗ କରିବା ପରେ ସୋର ପୋଲିସ ଘଟଣାର ଛାନଭିନ୍ କରୁଛନ୍ତି ।
Powered by Froala Editor
