ଭୁବନେଶ୍ୱର : ଭୁବନେଶ୍ୱରକୁ ମିଳିଲା ସମ୍ମାନଜନକ ‘ବେଷ୍ଟସ୍ମାର୍ଟସିଟି’ ଆୱାର୍ଡ । ଇଣ୍ଡିଆ ସ୍ମାର୍ଟ ସିଟିଜ୍ କନକ୍ଲେଭ-୨୦୨୩ରେ ଭୁବନେଶ୍ୱରକୁ ପୂର୍ବାଞ୍ଚଳର ବେଷ୍ଟ ସ୍ମାର୍ଟସିଟି ସମ୍ମାନ ଦିଆଯାଇଛି । ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଏହି ସମ୍ମାନ ପ୍ରଦାନକରିଛନ୍ତି । ଏହି ସମ୍ମାନ ଓଡିଶାରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଦୂରଦୃଷ୍ଟି ସଂପନ୍ନ ସହରାଂଚଳ ରୂପାନ୍ତରୀକରଣ ଏବଂ ସହରକୁ ଗଢିିବାରେ ଅଦମ୍ୟ ଚେଷ୍ଟା, ସୃଜନଶୀଳତା, ଦୀର୍ଘମିଆଦି ଅନ୍ତର୍ଭୁକ୍ତିକରଣ ବିକାଶର ପ୍ରତିଫଳନ ସ୍ୱରୂପ । ସେହିପରି ଉଲ୍ଲେଖନୀୟ ଅବଦାନ ପାଇଁ ଭୁବନେଶ୍ୱର ସ୍ମାର୍ଟ ସିଟିଲିମିଟେଡ୍‌ର ସହଭାଗୀ ଅନୁଷ୍ଠାନ ହନିୱେଲ ଅଟୋମେସନକୁ ମିଳିଛି ‘ପାର୍ଟନର ଏମ୍‌ଏସ୍‌ଆଇ ସମ୍ମାନ’ । ସ୍ମାର୍ଟସିଟି କାମର ଅଗ୍ରଗତି ସହ ଏହାର ନବୀକରଣ ଏବଂ ଉତ୍କର୍ଷତା, ଗୋଷ୍ଠୀ ଉପରେ ପୂର୍ଣ୍ଣ ପ୍ରଭାବ ପକାଇ ପାରିଛି । ପାରଦର୍ଶିତା ଓ ପ୍ରତିବଦ୍ଧତା ପାଇଁ ଏହି ସମ୍ମାନ ମିଳିଛିା
ମଧ୍ୟପ୍ରଦେଶର ଇନ୍ଦୋର ଠାରେ ଅନୁଷ୍ଠିତ ଇଣ୍ଡିଆ ସ୍ମାର୍ଟସିଜିଜ୍ କନକ୍ଲେଭ-୨୦୨୩ ସମ୍ମାନ ପ୍ରଦାନ ଉତ୍ସବ ଆୟୋଜିତ ହୋଇଥିଲା । ଭୁବନେଶ୍ୱର ମହାନଗର ନିଗମର ମାନନୀୟା ମେୟର ଶ୍ରୀମତୀ ସୁଲୋଚନା ଦାସଙ୍କ ନେତୃତ୍ୱରେ ଅତିରିକ୍ତ କମିଶନର ଶ୍ରୀ ଶୁଭେନ୍ଦୁକୁମାର ସାହୁ, ସ୍ମାର୍ଟ ସିଟି ଲିମିଟେଡ(ବିଏସ୍‌ସିଏଲ୍‌)ର ଜେନେରାଲ ମ୍ୟାନେଜର ଶ୍ରୀ ସୁବ୍ରତ କୁମାର ବେହେରାଙ୍କ ସମେତ ଟିମ୍‌ ବିଏମ୍‌ସି, ଟିମ୍‌ ବିଏସ୍‌ସିଏଲ୍‌ ଏବଂ ହନିୱେଲର ସଦସ୍ୟମାନେ ଏହି ସମ୍ମାନ ଗ୍ରହଣ କରିଛନ୍ତି ।

ସ୍ମାର୍ଟ ସିଟି କନକ୍ଲେଭ ଏକ ବହୁ ପ୍ରତୀକ୍ଷିତବାର୍ଷିକକାର୍ଯ୍ୟକ୍ରମ । ଭାରତର ପ୍ରତ୍ୟେକ ଅଂଚଳର ସରକାରୀକର୍ମଚାରୀ, ଯୋଜନା ପ୍ରଣୟନକାରୀ, ଶିଳ୍ପପତି, ବିଶେଷଜ୍ଞ ଆଦିଙ୍କୁ ଏକତ୍ର କରିବାରେଏହି ସମ୍ମାନଜନକ କନକ୍ଲେଭ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣକରି ଆସୁଛିା ସ୍ମାର୍ଟ ସିଟି କନକ୍ଲେଭରେ ଅତ୍ୟାଧୁନିକ ଜ୍ଞାନକୌଶଳ, ରଣନୀତି, ସୃଜନଶୀଳତା ଇତ୍ୟାଦି ଆଲୋଚନା ସମସ୍ତଙ୍କୁଉତ୍ସାହିତକରିଥାଏ । ଅଂଶଗ୍ରହଣକାରୀମାନେ ଜ୍ଞାନ କୌଶଳ ଆଦାନ ପ୍ରଦାନର ଏକ ଉତ୍ତମବ୍ୟବସ୍ଥା ।ଏଥିରେ ଅଂଶଗ୍ରହଣକାରୀମାନେ ବିଭିନ୍ନ ଅଧିବେଶନରେ ଯୋଗ ଦେଇ ନୀତି ନିର୍ଦ୍ଧାରଣ ବାବଦରେ ଆଲୋଚନା, ସହରାଂଚଳ ବିକାଶ ସଂପର୍କିତ ଅତ୍ୟାଧୁନିକ ଜ୍ଞାନକୌଶଳର ପ୍ରଦର୍ଶନ ଏବଂଫଳପ୍ରଦ ସହରୀ ବିକାଶ ପ୍ରକଳ୍ପର ଉପସ୍ଥାପନାର ସୁଯୋଗ ପାଇଥାନ୍ତି ।

ଭୁବନେଶ୍ୱର ପରମ୍ପରାଏବଂ ଆଧୁନିକତାର ବନ୍ଧନ ସ୍ୱରୂପ ନିଜକୁ ଏକ ଅଗ୍ରଣୀ ରୂପାନ୍ତରୀକରଣସହରାଂଚଳଭାବେ ପ୍ରତିପାଦନ କରିପାରିଛି । ସ୍ମାର୍ଟସିଟି ପଦକ୍ଷେପ ଦ୍ୱାରା ସହରାଂଚଳ,ଯୋଜନା, ଭିତ୍ତିଭୂମିର ବିକାଶ ଏବଂ ଦୀର୍ଘସ୍ଥାୟୀତ୍ୱକୁ ନିଶ୍ଚିତ କରାଯାଇ ପାରିଛି । ନାଗରିକ ସୁଲଭରାସ୍ତା, ଦକ୍ଷ ବର୍ଜ୍ୟ ପରିଚାଳନା, ବିଭିନ୍ନ ସମସ୍ୟାର ସମାଧାନ ପାଇଁ ସ୍ମାର୍ଟ ସଲ୍ୟୁସନ ବ୍ୟବସ୍ଥା, ଭୁବନେଶ୍ୱର ବାସିଙ୍କ ଜୀବନ ଶୈଳିକୁ ସମୃଦ୍ଧ କରିପାରିଛି । ଗୋଷ୍ଠୀ ସହଭାଗିତା ଏବଂ ଅନ୍ତର୍ଭୁକ୍ତିକରଣ ବିକାଶ ଏହି ସହରର ଦୃଢ ଭବିଷ୍ୟତ ଗଢିବାରେ ସହାୟକ ହୋଇପାରିଛି ।

ଏହି ଅବସରରେ ଭୁବନେଶ୍ୱରସ୍ମାର୍ଟସିଟିଲିମିଟେଡ୍‌ରମୁଖ୍ୟକାର୍ଯ୍ୟ ନିର୍ବାହୀ ଅଧିକାରୀ ତଥା ବିଏମ୍‌ସିକମିଶନରଶ୍ରୀବିଜୟ ଅମୃତା କୁଲାଙ୍ଗେକହିଛନ୍ତିଏହିସ୍ୱୀକୃତି ଆମ ସୃଜନଶୀଳତା ପ୍ରତିପାଦନ କରିବାର ଅଦମ୍ୟ ଚେଷ୍ଟାଏବଂ ବଦ୍ଧପରିକରତାର ଏକ ପ୍ରମାଣପତ୍ରସ୍ୱରୂପ ଯାହା ଅନ୍ତର୍ଭୁକ୍ତିକରଣ ଏବଂ ଦୀର୍ଘସ୍ଥାୟୀସହରାଂଚଳବିକାଶର ଏକ ପ୍ରତିଫଳନ । ତେବେଏହିସଫଳତା ପଛରେ ଆମର ଗୋଷ୍ଠୀସମୁଦାୟଙ୍କ ଅକୁଣ୍ଠ ଯୋଗଦାନ, ଉତ୍ସର୍ଗୀକୃତଟିମ୍‌ମେମ୍ବରଏବଂ ଦୂରଦୃଷ୍ଟିସଂପନ୍ନ ସହଭାଗୀସଂଗଠନଙ୍କଭୂମିକା ପ୍ରସଂଶନୀୟ । ଭୁବନେଶ୍ୱର ସ୍ମାର୍ଟ ସିଟି କେବଳ ଗୋଟିଏ ପ୍ରକଳ୍ପରେ ସୀମିତ ନୁହେଁ ବରଂ ଏହା ଏକ ଦୂରଦୃଷ୍ଟି ସଂପନ୍ନ ସହରାଞ୍ଚଳ ଜୀବନ ଧାରାକୁ ଉଦଜ୍ଜୀବିତ କରିଛି । ଭାରତର ସହରାଂଚଳ ବିକାଶରେ ଭୁବନେଶ୍ୱରକୁ ଏକ ଜାଜ୍ଜୁଲ୍ୟମାନ ସହରରେ ପରିଣତକରି ଏହାର ଆଧୁନିକ ଏବଂ ସୁଗମ ବାସୋପଯୋଗିତାକୁ ନାଗରିକ କୈନ୍ଦ୍ରୀକ କରିବା ଲକ୍ଷ୍ୟରେ ଆମେ ଦୃଢଭାରେ ଆଗେଇ ଚାଲିଛୁ ।

ଭୁବନେଶ୍ୱର ସ୍ମାର୍ଟ ସିଟି ଲିମିଟେଡ୍‌ର ମ୍ୟାନେଜିଂ ଡାଇରେକ୍ଟର ଶ୍ରୀବଲୱନ୍ତ ସିଂ ବିଏସ୍‌ସିଏଲ୍‌ ଟିମ୍‌ର ଅଦମ୍ୟ ଚେଷ୍ଟା ଏବଂ ତତ୍ପରତାକୁ ପ୍ରସଂଶା କରିବା ସହ ଏହି ପ୍ରକାର ସଫଳତା ପାଇଁ ନିଜର ଖୁସି ବ୍ୟକ୍ତ କରିଛନ୍ତି ।

Powered by Froala Editor