ଯେତେ ନୂଆ ଟେକ୍ନୋଲୋଜି ଆସିଲେ ବି ସାଇବର ଠକ ନୂଆ ନୂଆ ତରିକା ଆପଣଉଛନ୍ତି । ହେଲେ ଟିକେ ସଚେତନ ହୋଇଗଲେ ଠକଙ୍କ ଚାଲ୍ ଜାଣିହେବ ଓ ସେଥିରୁ ବର୍ତ୍ତି ହେବ । ଏହିପରି ଏକ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଯୋଡାଥାନା ଅନ୍ତର୍ଗତ ବିଲେଇପଦା ଠାରେ ।

ବିଲେଇପଦାର ଗୌତମ ସାହୁଙ୍କୁ ୭୬୮୧୮୫୩୮୦୭ ନମ୍ବର ଫୋନରୁ ମହିଳା ବାଲ ବିକାଶ କେନ୍ଦ୍ରରୁ କହୁଥିବା କହି ଏକ ଫୋନ କଲ ଆସିଥିଲା । ସେଥିରେ ଗୌତମଙ୍କ ସ୍ତ୍ରୀ ବନସ୍ମୀତା ଅନ୍ତସତ୍ୱା ଥିବା ବେଳେ ତାଙ୍କ ନାମ ସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ରରେ ପଞ୍ଜିକୃତ କରାଯାଇଛିକି ନାହିଁ ପଚାରିବା ସହ ଅଙ୍ଗନବାଡି କେନ୍ଦ୍ରରୁ ତାଙ୍କୁ ସମସ୍ତ ପ୍ରକାରର ସରକାରୀ ସହାୟତା ମିଳିବାରେ ଅସୁବିଧା ରହିଛି କି ବୋଲି ପଚାରି ବୁଝିଥିଲେ । ଏହାପରେ ଗୌତମଙ୍କୁ ସେଠାକାର ଆଶାକର୍ମି କୁମୁଦିନି ମହାକୁଡଙ୍କ ସହ କନଫରେନ୍ସରେ କଥାବାର୍ତ୍ତା କରାଇ ଏହି ସାଇବର ଠକମାନେ ବିଶ୍ୱାସ ଜନ୍ମାଇବାପରେ କୁମୁଦିନିଙ୍କ ଫୋନଟିକୁ ହୋଲ୍ଡ କରି ଗୌତମଙ୍କୁ ତାଙ୍କର ବ୍ୟାଙ୍କଖାତାରେ ଆର୍ଥିକ ସହାୟତା ପଠାଯିବ କହି ଏହି ଫୋନରେ ତାଙ୍କର ଫୋନପେ ଅଛିକି ନାହିଁ ବୁଝିଥିଲେ । ଗୌତମ ଫୋନ ପେ ଥିବା କହିବା ପରେ ସେମାନଙ୍କ ନମ୍ବରକୁ ତାଙ୍କ ଫୋନରେ ଯୋଡିବା ପାଇଁ କହିଥିଲେ । ଠକ ଜଣଙ୍କ ଗୌତମକୁ ତାଙ୍କ କହିବା ମୁତାବକ କରିବା ପାଇଁ କହି ୨ଟି ପର୍ଯ୍ୟାୟରେ ୬୦୧୨, ୫୫୦୧ ମାରି ନିଜର ପିନ ନଂ ଦେବାପାଇଁ କହିଥିଲେ ।

ତେବେ ଗୌତମ ଠକେଇର ଶିକାର ହେବା ପୁର୍ବରୁ ଏହା ଜାଣିପାରି ଭୁଲ ନମ୍ବର ଦେଇଥିଲେ । ଏଥିରେ କ୍ଷୁବ୍ଧହୋଇ ଠକ ଜଣଙ୍କ ହିନ୍ଦିରେ ଗାଳିଦେବାସହ ତୁ ବଞ୍ଚିଗଲୁ ବୋଲି କହି ଫୋନଟିକୁ କାଟିଦେଇଥିଲା । ଏନେଇ ଗୌତମ ବିଲେଇପଦା ଫାଣ୍ଡିରେ ଅଭିଯୋଗ କରିଥିବା ଜଣାପଡିଛି ।

ଏହି ଗୋଟିଏ ନମ୍ବରରେ ଠକ ଜଣଙ୍କ ସ୍ୱାସ୍ଥ୍ୟ ଓ ଆରୋଗ୍ୟ କେନ୍ଦ୍ର ବିରିକଳା ପଞ୍ଚାୟତର ବିଲେଇପଦା ଅଙ୍ଗନବାଡି କର୍ମୀ ସସ୍ମୀତା ମୁଣ୍ଡା, କାରଣସାହି ଆଶାକର୍ମୀ ବିଳାସ ବାରିକ, ମୁଟୁଦା ଆଶାକର୍ମୀ କୁନ୍ତଳା ସେଠୀ, ଏଏନ୍‌ଏମ୍ ଦମୟନ୍ତି ଗିରିଙ୍କୁ ମଧ୍ୟ ଅନେକଥର ଫୋନ୍ କରିଥିବା ଜଣାପଡିଛି ।

Powered by Froala Editor