କାର୍-ଏସିଡ୍ ବୋଝେଇ ଟ୍ୟାଙ୍କର ଧକ୍କା
ପଟ୍ଟାଙ୍ଗୀ : କାର୍କୁ ଧକ୍କା ଦେଲା ଏସିଡ୍ ବୋଝେଇ ଟ୍ୟାଙ୍କର। ଗୋଟିଏ ପରିବାରର ବାପା, ମାଆ ଓ ଶିଶୁ କନ୍ୟା ମୃତ। କୋରାପୁଟ ପଟ୍ଟାଙ୍ଗି ଥାନା ପୁଙ୍ଗାର ଗାଁ ନିକଟ ଜାତୀୟ ରାଜପଥରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି।ସୂଚନାନୁଯାୟୀ, ଏକ କାର୍ରେ ବାପା, ମାଆ ଓ ଶିଶୁ କନ୍ୟା ଜୟପୁରରୁ ବିଶାଖାପାଟଣା ଯାଉଥିଲେ। କୋରାପୁଟ ପଟ୍ଟାଙ୍ଗି ଥାନା ପୁଙ୍ଗାର ଗାଁ ନିକଟ ଜାତୀୟ ରାଜପଥରେ ଅପର ପାର୍ଶ୍ଵରୁ ଆସୁଥିବା ଏକ ଏସିଡ୍ ବୋଝେଇ ଟ୍ୟାଙ୍କର ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ବାପା, ମାଆ ଓ ଶିଶୁ କନ୍ୟାଙ୍କ ମୃତ୍ୟୁ ଘଟିଛି। ଫଳରେ ୨୬ ନମ୍ବର ଜାତୀୟ ରାଜପଥର ଉଭୟ ପାଖରେ ଗାଡି ଚଳାଚଳ ବାଧାପ୍ରାପ୍ତ ହୋଇଛି। ଘଟଣା ସ୍ଥଳରେ ପଟ୍ଟାଙ୍ଗୀ ପୋଲିସ ପହଞ୍ଚି ଉଦ୍ଧାର କାର୍ୟ୍ୟ ଜାରି ରଖିଛନ୍ତି। ମୃତକଙ୍କ ପରିଚୟ ମିଳିପାରି ନାହିଁ। ସ୍ଥାନୀୟ ଲୋକେ ଟ୍ୟାଙ୍କର ଡ୍ରାଇଭରକୁ ଅଟକ ରଖିଛନ୍ତି।
Powered by Froala Editor
