‘ତୁ ଝୁଠି ମେଁ ମକ୍କାର'ରେ ଧମାଲ୍ କରିବେ ରଣବୀର-ଶ୍ରଦ୍ଧା
ମୁମ୍ବାଇ: ପୁଣି ଥରେ ସ୍ୱପ୍ନ ରାଇଜରେ ଘୁରି ବୁଲିବେ ଦର୍ଶକ । ରୋମାଣ୍ଟିକ୍ ହେବେ, ଆଉ ନିଜ ଭଲ ପାଇବାକୁ ଅନୁଭବ କରିବେ । ସିନେମା ହଲ୍ରେ ଏଭଳି କିଛି ଅନୁଭୂତି ସାଉଣ୍ଟିବେ । କାରଣ ଦୀର୍ଘ ଦିନ ପରେ ବଲିଉଡ୍ରେ ମୁକ୍ତିଲାଭ କରିବାକୁ ଯାଉଛି ଏକ ରୋମାନ୍ସ ଫିଲ୍ମ ।
ରଣବୀର କପୁର-ଶ୍ରଦ୍ଧା କପୁରଙ୍କ ବହୁ ପ୍ରତୀକ୍ଷିତ ଫିଲ୍ମ ‘ତୁ ଝୁଠି ମେଁ ମକ୍କାର' ମୁକ୍ତିଲାଭ କରିବାକୁ ଯାଉଛି । ଯେଉଁଥିରେ ଉଭୟଙ୍କୁ ଭିନ୍ନ ଅନ୍ଦାଜ୍ରେ ଦେଖିବାକୁ ମିଳିବ । ଦୁଇ ଜଣ ପ୍ରଥମ ଥର ଏକାଠି ସ୍କ୍ରିନ୍ ସେୟାର କରିବେ । ଫିଲ୍ମକୁ ନେଇ ନିର୍ମାତା ଅନେକ ଆଶାବାଦୀ ଥିବା ବେଳେ ଏହା ବକ୍ସ ଅଫିସ୍ରେ ଭଲ କାରବାର କରିବ ବୋଲି ସିନେମା ସମୀକ୍ଷକମାନେ ମତ ଦେଲେଣି ।
ଏହାର ଆଡଭାନ୍ସ ବୁକିଂ ମଧ୍ୟ ଭଲ ପ୍ରତିକ୍ରିୟା ପାଇଛି । ରବିବାର ସୁଦ୍ଧା ଏହି ଚଳଚ୍ଚିତ୍ର ପ୍ରମୁଖ ମଲ୍ଟିପ୍ଲେକ୍ସ ଚେନରେ ୧୦,୭୦୦ ଟିକେଟ୍ ବିକ୍ରି କରିସାରିଛି । ବର୍ତ୍ତମାନ ଫିଲ୍ମ ରିଲିଜ୍ ପାଇଁ ଦୁଇ ଦିନ ବାକି ଅଛି । ଏଭଳି ପରିସ୍ଥିତିରେ ଫିଲ୍ମର ଏହି ଅଗ୍ରୀମ ବୁକିଂ ଆହୁରି ଭଲ ହୋଇପାରେ ବୋଲି ଆଶା କରାଯାଉଛି । ମୁଖ୍ୟ ଭୂମିକାରେ ରଣବୀର କପୁର ଏବଂ ଶ୍ରଦ୍ଧା କପୁରଙ୍କ ବ୍ୟତୀତ ଚଳଚ୍ଚିତ୍ରରେ ଅନୁଭବ ସିଂ ବସି ଏବଂ ଡିମ୍ପଲ୍ କାପାଡିଆ ମଧ୍ୟ ଅଭିନୟ କରିଛନ୍ତି ।
ବଲିଉଡର ରୋମାଣ୍ଟିକ୍ ରିଲିଜ୍ ବିଷୟରେ କହିବାକୁ ଗଲେ, ୨୦୨୦ରେ ମୁକ୍ତିଲାଭ କରିଥିବା ଶେଷ ରୋମାଣ୍ଟିକ୍ ଡ୍ରାମା ଥିଲା ଲଭ୍ ଆଜ୍ କଲ୍ । ହେଲେ ବକ୍ସ ଅଫିସରେ ବିଶେଷ ପ୍ରଦର୍ଶନ କରିପାରି ନଥିଲା । କିନ୍ତୁ ଆଡଭାନ୍ସ ବୁକିଂରେ 'ତୁ ଝୁଠି ମେଁ ମକ୍କାର' ଭଲ ପ୍ରତିକ୍ରିୟା ଗ୍ରହଣ କରୁଛି । ଏବେ ଦେଖିବାକୁ ବାକି ରହିଲା ଫିଲ୍ମରେ ପରଦାକୁ ଆସିବା ପରେ କିଭଳି ଭାବେ କାରବାର କରୁଛି । ଆଉ ଦର୍ଶକଙ୍କ ହୃଦୟ କେତେ ମାତ୍ରାରେ କିଣି ପାରୁଛି ।
Powered by Froala Editor
