ଆଜି ଲ୍ୟାଣ୍ଡଫଲ କରିବ ତାଉ’ତେ
ଭୁବନେଶ୍ୱର:ଆରବସାଗରରେ ସୃଷ୍ଟ ବାତ୍ୟା ତାଉ’ତେ ଗୁଜୁରାଟ ଆଡ଼କୁ ମାଡ଼ିଚାଲିଛି । ଆଜି ତାଉ’ତେ ଗୁଜୁରାଟ ଉପକୂଳ ଛୁଇଁବ । ଦିନ ୧୨ଟାରୁ ଅପରାହ୍ନ ୨ଟା ଭିତରେ ଉପକୂଳ ଛୁଇଁବ । ପୋରବନ୍ଦର ଓ ମହୁବା ଦେଇ ସନ୍ଧ୍ୟା ୬ଟା ଭିତରେ ଅତିକ୍ରମ କରିବ । ସ୍ଥଳଭାଗ ଛୁଇଁବା ବେଳେ ପବନର ବେଗ ୧୫୫ରୁ ୧୬୫ କିମି ରହିବ । ବେଳେ ବେଳ ପବନର ବେଗ ଘଣ୍ଟାପ୍ରତି ୧୮୫ କିମି ପର୍ଯ୍ୟନ୍ତ ବି ଯିବ ବୋଲି ଜଣାଯାଇଛି ।
ଅପରପକ୍ଷରେ ତାଉତେ ପ୍ରଭାବରେ ଗତକାଲି ଠାରୁ ତାଣ୍ଡବ ଆରମ୍ଭ ହୋଇଯାଇଛି । ୩ ରାଜ୍ୟରେ ଭୀଷଣ ବର୍ଷା ହେବା ସହ ୬ ଲୋକଙ୍କର ମୃତୁ୍ୟ ହୋଇଛି । ସେହିପରି ମହାରାଷ୍ଟ୍ରରେ ବି ବର୍ଷା ହେଉଛି । ଗୁଜୁରାଟରେ ତଳିଆ ଅଂଚଳର ଲୋକମାନଙ୍କୁ ସ୍ଥାନାନ୍ତରିତ କରାଯାଉଛି ।
ସୂଚନାଯୋଗ୍ୟଯେ, ୧୮୯୧ରୁ ୨୦୧୭ ମଧ୍ୟରେ ଉତର ପ୍ରଶାନ୍ତ ମହାସାଗରରେ ବର୍ଷକୁ ହାରାହାରି ୫ଟି ବାତ୍ୟା ଆସୁଛି । ତେବେ ଗତ କିଛି ବର୍ଷ ଧରି ଆରବସାଗର ଉପକୂଳରେ ମୌସୁମୀ ପୂର୍ବରୁ ବାତ୍ୟା ଘନୀଭୂତ ହେଉଥିବା ଦେଖିବାକୁ ମିଳୁଛି । ୨୦୨୦ରେ ନିସର୍ଗ ମହାରାଷ୍ଟ୍ର ଉପକୂଳରେ ମାଡ଼ ହୋଇଥିବାବେଳେ ୨୦୧୯ରେ ବାତ୍ୟା ବାୟୂ ଗୁଜୁରାଟରେ ମାଡ଼ ହୋଇଥିଲା । ସେହିପରି ୨୦୧୮ରେ ମେକାନୁ ଓମାନ ଉପକୂଳରେ ସ୍ଥଳଭାଗ ଛୁଇଁଥିଲା ।
Powered by Froala Editor
