ନୂଆଦିଲ୍ଲୀ: କ୍ରିକେଟ୍‌ରେ ଅଦ୍ଭୁତପୂର୍ବ ସଫଳତା ପରେ ଏବେ ପୁଣି ଏକ ଚ୍ୟାଲେଞ୍ଜ ଆପଣାଇଛନ୍ତି ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି । ଫିଲ୍ମ ଇଣ୍ଡଷ୍ଟ୍ରିରେ ସେ ପାଦ ଥାପିଛନ୍ତି । ଆରମ୍ଭ କରିଛନ୍ତି ନିଜର ପ୍ରଡକ୍ସନ୍ ହାଉସ୍ । ଏହାର ନାମ ରଖିଛନ୍ତି ଧୋନି ଏଣ୍ଟରଟେନ୍‌ମେଣ୍ଟ ।

ମାହି ବଲିଉଡ୍‌ରେ ନୁହେଁ, ସାଉଥ୍ ଇଣ୍ଡଷ୍ଟ୍ରିରେ କାମ କରିବେ ବୋଲି ଗଣମାଧ୍ୟମ ସମ୍ମୁଖରେ ପ୍ରକାଶ କରିଛନ୍ତି । ସେ ତାମିଲ, ତେଲୁଗୁ, ମାଲାୟାଲମ୍ ଭାଷାରେ ଫିଲ୍ମ ନିର୍ମାଣ କରିବେ । ବିକାଶ ହାସିଜା ଧୋନି ଏଣ୍ଟରଟେନମେଣ୍ଟର ବିଜନେସ୍ ମୁଖ୍ୟ ଅଛନ୍ତି । ପ୍ରଡକ୍ସନ୍ ହାଉସ୍ ଏ ପର୍ଯ୍ୟନ୍ତ ତିନୋଟି ପ୍ରୋଜେକ୍ଟରେ କାମ କରିଛି । ସେଗୁଡ଼ିକ ହେଲା ରୋୟର୍ ଅଫ୍ ଦି ଲାୟନ୍‌, ବ୍ଲେଜ୍ ଟୁ ଗ୍ଲୋରୀ ଏବଂ ଦି ହିଡେନ୍ ହିନ୍ଦୁ ।

ଫିଲ୍ମ ଇଣ୍ଡଷ୍ଟ୍ରି ସହିତ ଧୋନିଙ୍କ ପୁରୁଣା ସମ୍ପର୍କ ରହିଛି । ଧୋନିଙ୍କ ଜୀବନୀ ଉପରେ ଏକ ଫିଲ୍ମ ମଧ୍ୟ ପ୍ରସ୍ତୁତ କରାଯାଇଥିଲା । ଯାହାର ନାମ ଥିଲା ଧୋନି-ଅନଟୋଲ୍ଡ ଷ୍ଟୋରୀ । ଏହି ଚଳଚ୍ଚିତ୍ର ଧୋନିଙ୍କ ଜୀବନୀ ଉପରେ ଥିଲା, ଯେଉଁଥିରେ ସୁଶାନ୍ତ ସିଂ ରାଜପୁତ ମୁଖ୍ୟ ଭୂମିକାରେ ନଜର ଆସିଥିଲେ । ଏବେ ଦେଖିବାକୁ ବାକି ରହିଲା ତାଙ୍କ ନିଜ ପ୍ରଡକ୍ସନ୍ ହାଉସ୍ କିଭଳି ଭାବେ ସଫଳତା ପାଉଛି । ଆଉ ଧୋନି କ୍ରିକେଟ୍ ଭଳି ଚଳଚ୍ଚିତ୍ର ଜଗତରେ କେତେ ଛକା, ଚଉକା ମାରୁଛନ୍ତି ।

Powered by Froala Editor