ହାତୀ ଆତଙ୍କ, ଘର ଭାଙ୍ଗିବା ସହ ବ୍ୟାପକ କ୍ଷୟକ୍ଷତି
କରଞ୍ଜିଆ: ଜଙ୍ଗଲ ଛାଡ଼ି ସହର ଓ ଗାଁ ମୁହାଁ ହେବାରେ ଲାଗିଛନ୍ତି ହାତୀପଲ । ଏହା ବନବିଭାଗର ଅସାବଧାନତା ହେଉ କି ସରକାରଙ୍କର ଜଙ୍ଗଲ କାଟିବା ନୀତି, ଯଦ୍ୱାରା ସମସ୍ତ ବନ୍ୟଜନ୍ତୁ ତଥା ଭାଲୁ,ସାପ,ବଜ୍ରକାପ୍ତା,ବାର୍ହା,ଝିଙ୍କ,ହାତୀ ଇତ୍ୟାଦି ଘର ମୁହାଁ ହେବାରେ ଲାଗିଲେଣି । ସେହିପରି ମୟୁରଭଞ୍ଜ ଜିଲ୍ଲା କରଞ୍ଜିଆ ଉପଖଣ୍ଡରେ ଥମୁନି ହାତୀ ଆତଙ୍କ। ଗତକାଲି ବିଳମ୍ବିତ ରାତିରେ ଠାକୁରମୁଣ୍ଡା ରେଞ୍ଜ ଅଧୀନରେ ଥିବା ପଣସଡିହା, ଦାନୁଆବାଲିପୋଷି ଗାଁରେ ଗୋଟେ ଦନ୍ତା ହାତୀ ପଶି ଆତଙ୍କ ସୃଷ୍ଟି କରିଛି। ଗତକାଲି ବିଳମ୍ବିତ ରାତିରେ ହାତୀଟି ଗାଁରେ ପଶି ୪ଟି ଘର ଭାଙ୍ଗିବା ସହ ବ୍ୟାପକ କ୍ଷୟକ୍ଷତି କରିଛି ।
ଏହାସହ ପନିପରିବା ଦଳି ମକଚି ନଷ୍ଟ କରିଦେଇଛି। ଦନ୍ତା ହାତୀ ଆତଙ୍କ ପାଇଁ ୪୦ରୁ ଉର୍ଦ୍ଧ୍ଵ ଗାଁ ଆତଙ୍କିତ ଅବସ୍ଥାରେ ଅଛନ୍ତି । କରଞ୍ଜିଆ ରେଞ୍ଜ କୁଜିଆମ ଜଙ୍ଗଲରେ ୮ ଟି ହାତୀପଲ ଥିବା ବନ ବିଭାଗ ସୂଚନା ଦେଇଛି। ଏହି ହାତୀ ପଲ ଦିନରେ ଜଙ୍ଗଲ ଭିତରେ ଲୁଚି ରହିଥିବାବେଳେ ରାତିରେ ଗାଁରେ ପଶି ଉପଦ୍ରବ କରୁଛନ୍ତି। ହାତୀ ପଲ କୁ ଘଡଇବା ପାଇଁ ବନବିଭାଗର ଉଦ୍ୟମ ଜାରି ରହିଛି ।
Powered by Froala Editor
