ଆଜି ଓଡ଼ିଶା ଆସୁଛନ୍ତି କଂଗ୍ରେସ ପ୍ରଭାରୀ
ଭୁବନେଶ୍ୱର: ଆଜିଠୁ ତିନିଦିନିଆ ଓଡ଼ିଶା ଗସ୍ତରେ ଆସୁଛନ୍ତି କଂଗ୍ରେସର ଓଡ଼ିଶା ପ୍ରଭାରୀ ସାଂସଦ ଡ. ଏ. ଚେଲ୍ଲାକୁମାର । ସେ ଶୁକ୍ରବାର ସନ୍ଧ୍ୟାରେ ଭୁବନେଶ୍ୱରରେ ପହଞ୍ଚି ରାତ୍ରୀଯାପନ କରିବେ । ୨୨ ତାରିଖ ପ୍ରଦେଶ କଂଗ୍ରେସ ତଥ୍ୟ ଅନୁଧ୍ୟାନ କମିଟି ସଭ୍ୟମାନଙ୍କ ସହିତ ଢିଙ୍କିଆ ଅଞ୍ଚଳ ଗସ୍ତରେ ଯିବେ । ସେଠାରେ କ୍ଷତିଗ୍ରସ୍ତଙ୍କ ସହ ଆଲୋଚନା କରି ଭୁବନେଶ୍ୱର ଫେରିବେ ।
୨୩ ତାରିଖ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ଉପଲକ୍ଷେ ସକାଳ ୮ଟା ୩୦ରେ ରସୁଲଗଡ଼ ଛକରେ ନେତାଜୀଙ୍କ ପ୍ରତିମୂର୍ତିରେ ମାଲ୍ୟାର୍ପଣ ଓ ଭିଏସ୍ଏସ୍ ନଗରସ୍ଥିତ ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ଏବଂ କଂଗ୍ରେସ ଭବନ ପରିସରରେ ଥିବା ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ । ଦିନ ୧୧ଟାରେ ପିସିସି ପଞ୍ଚାୟତ ନିର୍ବାଚନ କମିଟି ବୈଠକରେ ଯୋଗଦେଇ ସନ୍ଧ୍ୟାରେ ଚେନ୍ନାଇ ଫେରିଯିବାର କାର୍ୟ୍ୟକ୍ରମ ରହିଛି ବୋଲି ପିସିସି ପକ୍ଷରୁ କୁହାଯାଇଛି ।
Powered by Froala Editor
