କୋଭିଡ ଗାଇଡଲାଇନ ଅନୁଯାୟୀ ୨୫ ତାରିଖ ବଡଦିନଠାରୁ ଜାନୁଆରୀ ୨ ତାରିଖ ନୂତନ ବର୍ଷ ପର୍ଯ୍ୟନ୍ତ ଢେଙ୍କାନାଳ ଜିଲ୍ଲାରେ ଜାରି ହୋଇଛି କଟକଣା । ମନ୍ଦିରରେ ସମାବେଶ, ପର୍ଯ୍ୟଟନସ୍ଥଳୀରେ ଭୋଜିଭାତ, ଜନଗହଳି ଏବଂ ସାଂସ୍କୃତିକ କାର୍ଯ୍ୟକ୍ରମ ଉପରେ ମଧ୍ୟ କଟକଣା ଲଗାଯାଇଛି । ଜିଲ୍ଲାର ୨୩ଟି ପ୍ରସିଦ୍ଧ ମନ୍ଦିର ଓ ୬ଟି ପ୍ରମୁଖ ପର୍ଯ୍ୟଟନସ୍ଥଳୀରେ ୧୪୪ ଧାରା ଜାରି କରାଯିବା ସହ ପର୍ଯ୍ୟଟକଙ୍କ ପ୍ରବେଶକୁ ନିଷେଧ କରାଯାଇଛି ।  ଜିଲ୍ଳାରେ ଥିବା କପିଳାସର ଶ୍ରୀଶ୍ରୀ ଚନ୍ଦ୍ରଶେଖରଜୀଉ ପୀଠ, ଲତାଦେଇପୁରସ୍ଥିତ ଊନ୍ନକୋଟିଶ୍ୱର ମନ୍ଦିର, ବଳରାମଜୀଉ  ମନ୍ଦିର, ବଡନାଗେନାସ୍ଥିତ ନାଗନାଥେଶ୍ୱର, ଗଙ୍ଗାଧରପ୍ରସାଦସ୍ଥିତ ପଶ୍ଚିମେଶ୍ୱର, କାମାକ୍ଷାନଗରସ୍ଥିତ ରାମେଶ୍ୱର ମନ୍ଦିର, ହାଟୁଆରୀର କପିଳେଶ୍ୱର, ଶିବୁଳାପଶି ସ୍ୱପ୍ନେଶ୍ୱର ମନ୍ଦିର, ଭୁବନର ବୁଦ୍ଧେଶ୍ୱର ମନ୍ଦିର, କୁଆଳୋ ଅଷ୍ଟଶମ୍ଭୁ ସ୍ୱପ୍ନେଶ୍ୱର ମନ୍ଦିର, ବାଲିମୀ ଅଞ୍ଚଳରେ ଥିବା ରଞ୍ଜାଗୋଳ ଶିବ ମନ୍ଦିର, ରକୋଳାର କୁଣ୍ଡେଶ୍ୱର ମନ୍ଦିର, ମହାତଲାର ମାତଳେଶ୍ୱର ମନ୍ଦିର, ଚିତ୍ତଲପୁରର ଉଗ୍ରେଶ୍ୱର ମହାଦେବ ମନ୍ଦିର, ନାଧରାସ୍ଥିତ ଗୋ-କନକେଶ୍ୱର ଏବଂ ରାମଚଣ୍ଡି ମନ୍ଦିର ଆଦି ୨୩ ମନ୍ଦିର ସମେତ ଢେଙ୍କାନାଳ ସଦର ବ୍ଲକ୍ ସପ୍ତଶଯ୍ୟା, କାମାକ୍ଷାନଗର ରାମିଆଳନଦୀ ସାଇନ୍ସ ସ୍ପଟ୍‌, ଗୁଣ୍ଡିଚାନାଳି ନଦୀକୂଳ, କଙ୍କଡାହାଡର ଦଣ୍ଡାଧର ଜଳପ୍ରପାତ, ପରଜଙ୍ଗର ଦଦରାଘାଟି ଜଳପ୍ରପାଦ ଓ ରାସୋଳର ସାପୁଆ ଜଳପ୍ରପାତ ଆଦି ପର୍ଯ୍ୟଟନସ୍ଥଳୀ ଗୁଡିକରେ ୮ ଦିନ ପାଇଁ ୧୪୪ ଧାରା ଲାଗିଛି ।  ୟୁ/ଏସ୍ ୧୪୪ ସିଆରପିସି ୧୯୭୩ ଅନୁସାରେ ଏହି ନିଷେଧାଜ୍ଞା ଜାରି କରାଯାଇଛି ।

Powered by Froala Editor