ଆଜିକାଲି ଲୋକେ ଖୁସିରେ  ହେଉ କିମ୍ବା ଦୁଃଖରେ ହେଉ ମଦ ପିଇବାକୁ ପସନ୍ଦ କରୁଛନ୍ତି । ଆଜିକାଲି ମଦ ଏକ ଉପଭୋଗ୍ୟର ଜିନିଷ ପାଲଟି ଗଲାଣି । ଅନେକ ପାର୍ଟି, ଫଙ୍କସନ୍ରେ ସାଙ୍ଗ, ସାଥିଙ୍କ ସହ ମିଶି ପୁଅ, ଝିଅ ମଦ ପିଇ ଖୁସିରେ ମସ୍ଗୁଲ୍ ହୋଇଥାନ୍ତି । କିନ୍ତୁ ଏହି ମୂହୂର୍ତ୍ତକ ଖୁସି ଆପଣଙ୍କୁ ଭବିଷ୍ୟତରେ ଖୁବ୍ ଅସୁବିଧାରେ ପକାଇପାରେ । ବିଶେଷକରି ଶାରୀରିକ ସମ୍ପର୍କ ରଖିବା ସମୟରେ ଆଲ୍କୋହଲିକ୍ ପାନୀୟ ଠାରୁ ଦୂରେଇ ରହିବାକୁ ପରାମର୍ଶ ଦିଆଯାଇଥାଏ । କୁହାଯାଏଯେ, ମଦ୍ୟ ମହିଳାମାନଙ୍କ ପ୍ରଜନନ କ୍ଷମତା ଦୁର୍ବଳ କରିଥାଏ, ଏହା ସହିତ ଏହାର ପ୍ରଭାବ ପୁରୁଷଙ୍କ ପ୍ରଜନନ କ୍ଷମତା ଉପରେ ମଧ୍ୟ ପଡିଥାଏ । ତେଣୁ ଯଦି ଆପଣଙ୍କ ବାରମ୍ବାର ଗର୍ଭପାତ ହେଉଛି ତା ହେଲେ ମଦ୍ୟପାନ ଏକ ବଡ କାରଣ ହୋଇଥାଇପାରେ । ୨୦୧୯ରେ  ୟୁରୋପିଆନ୍ ଜର୍ନାଲ ଅଫ ପ୍ରିଭେଣ୍ଟିଭ କାର୍ଡିୟୋଲୋଜିରେ ପ୍ରକାଶିତ ଏକ ରିସର୍ଚ୍ଚ ଅନୁଯାୟୀ ଶାରୀରିକ ସମ୍ପର୍କ ରଖିବାର ୩ ମାସ ପୂର୍ବରୁ  ଯଦି ପିତା ମଦ୍ୟପାନ କରନ୍ତି ତାହେଲେ ଏହାର କୁପ୍ରଭାବ ସିଧାସଳଖ ଶିଶୁ ଉପରେ ପଡିଥାଏ । ଶିଶୁ ହୃଦରୋଗଜନିତ ସମସ୍ୟା ୪୪ ପ୍ରତିଶତ ବଢିଯାଇଥାଏ । ଯଦି ବାପା କିମ୍ବା ମା’ ବହୁବାର ମଦ୍ୟପାନ କରନ୍ତି ତେବେ ଶିଶୁର ହୃଦ୍ରୋଗ ଜନିତ ସମସ୍ୟା ୫୨ ପ୍ରତିଶତ ବଢିଯାଏ । ଚୀନ୍ର୍ ସେଣ୍ଟ୍ରାଲ ସାଉଥ ୟୁନିଭର୍ସିଟିର ତଥ୍ୟ ଅନୁସାରେ ମଦରେ ଥିବା ଆଲ୍କୋହଲ ଟେରାଟୋଜନ ଅଟେ, ଯାହା ଭ୍ରୂଣକୁ ନଷ୍ଟ କରିବାରେ ସହାୟକ ହୋଇଥାଏ । ସେଥିପାଇଁ ଯଦି ଆପଣ ଫ୍ୟାମିଲି ପ୍ଲାନିଙ୍ଗ କରିବା କଥା ଭାବୁଛନ୍ତି ତେବେ ୬ ମାସ ପୂର୍ବରୁ ମଦ ଛାଡିବା ନିହାତି ଆବଶ୍ୟକ । ନଚେତ ଏହା ଆପଣଙ୍କ ଶିଶୁର ହାର୍ଟ ଉପରେ ଚାପ ପକାଇବା ସହିତ ଶିଶକୁୁ ଅସୁସ୍ଥ ଓ ବେମାରରେ ପକାଇଥାଏ ।

Powered by Froala Editor