କେନ୍ଦ୍ର ଆଇନ ମନ୍ତ୍ରୀ କିରଣ ରିଜ୍ଜୁ ବୁଧବାର ଦିନ ଅରୁଣାଚଳ ପ୍ରଦେଶରେ ଏକ ଯୋଜନାର ସମୀକ୍ଷା କରିବାକୁ ଯାଇଥିବା ବେଳେ ଗାଁ ଲୋକଙ୍କ ସହ ନାଚିଛନ୍ତି ।  ସେ ଏହି ଭିଡିଓରେ ଅରୁଣାଚଳ ପ୍ରଦେଶର କାଜାଲାଙ୍ଗ ଗାଁରେ ଲୋକମାନଙ୍କ ସହ ଡ୍ୟାନ୍ସ କରୁଥିବା ଦେଖିବାକୁ ମିଳିଛି। ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି। ଭିଡିଓକୁ ନେଇ ପ୍ରଧାନମନ୍ତ୍ରୀ ବି ଟ୍ୱିଟ କରି ପ୍ରଶଂସା କରିଛନ୍ତି । ଏଥିସହ ରିଜିଜୁ ଜଣେ ସଭ୍ୟ ବା ଭଲ ଡ୍ୟାନ୍ସର ବୋଲି ମୋଦି କହିଛନ୍ତି।

କେନ୍ଦ୍ରମନ୍ତ୍ରୀ କିରଣ ରିଜ୍ଜୁ ଅରୁଣାଚଳ ପ୍ରଦେଶର କାଜାଲାଙ୍ଗ ଗାଁରେ ପହଂଚିଥିଲେ । ସେଠିକାର ସ୍ଥାନୀୟ ସେଜଲାଂଗ ଲୋକମାନେ ରିଜ୍ଜୁଙ୍କୁ ପାରମ୍ପାରିକ ବାଦ୍ୟ ଓ ନୃତ୍ୟର ତାଳେ ତାଳେ ସ୍ୱାଗତ କରିଥିଲେ । ଏହି ସମୟରେ ସେମାନେ ପାରମ୍ପରିକ ନାଚ ଓ ଗୀତ ପରିବେଷଣ କରିଥିଲେ। ଗାଁ ଲୋକଙ୍କ ନାଚ ଓ ଗୀତ ଦେଖି ରିଜ୍ଜୁ ମଧ୍ୟ ଠୁମକା ଲଗାଇଥିଲେ। ଗାଁ ଲୋକମାନେ ଏହାର ଶୁଟିଂ କରିଥିଲେ। ରିଜ୍ଜୁ ନିଜେ ଟ୍ୱିଟ କରି ଭିଡିଓକୁ ଶେୟାର କରିଛନ୍ତି। ଏଥିରେ ସେ ଲେଖିଛନ୍ତି, “ବିବେକାନନ୍ଦ କେନ୍ଦ୍ରୀୟ ବିଦ୍ୟାଳୟ ପ୍ରକଳ୍ପର ସମୀକ୍ଷା କରିବା ପାଇଁ ମୁଁ ସୁନ୍ଦର କାଜାଲାଙ୍ଗ ଗାଁକୁ ଯାଇଥିଲି। ଏହି ସମୟରେ ସାଜୋଲାଙ୍ଗ ଲୋକମାନେ ଖୁସିରେ ଅତିଥିଙ୍କୁ ସ୍ୱାଗତ କରିଥିଲେ। ସେମାନେ ପାରମ୍ପରି ରୀତିନୀତିରେ ନାଚ ଓ ଗୀତ ମଧ୍ୟ ପରିବେଷଣ କରିଥିଲେ। ଏଭଳି ନାଚ ଗୀତ ଅରୁଣାଚଳ ପ୍ରଦେଶରେ ସ୍ୱତନ୍ତ୍ର।” ଏହାର ଭିଡିଓ ଭାଇରାଲ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା ଉପରେ ପ୍ରତିକ୍ରିୟା ରଖିଛନ୍ତି।  ସେ କହିଛନ୍ତି ଆମ ଆଇନମନ୍ତ୍ରୀ ଜଣେ ଭଲ ଡ୍ୟାନ୍ସର । ଅରୁଣାଚଳ ପ୍ରଦେଶର ଜୀବନ୍ତ ଗୌରବଶାଳୀ ସଂସ୍କୃତିକୁ ଦେଖି ଭଲ ଲାଗିଲା ବୋଲି ମୋଦି ଟ୍ୱିଟ କରିଛନ୍ତି । ଏହି ଭିଡିଓ ସୋଶାଲ ମିଡିଆରେ ଭାଇରାଲ ହେବା ସହ ୨ ଲକ୍ଷରୁ ଅଧିକ ଲୋକ ଦେଖି ସାରିଲେଣି।  

Powered by Froala Editor