ଏକ୍ସପ୍ରେସ୍ ରେ ନିଆଁ, ଯାତ୍ରୀମାନେ ଭୟଭୀତ
ଟାଟାନଗର–ଏର୍ଣ୍ଣାକୁଲମ୍ ଏକ୍ସପ୍ରେସ୍ (ଟ୍ରେନ୍ ନମ୍ବର ୧୮୧୮୯)ର ଏ-୨ କୋଚ୍ରେ ନିଆଁ ଲାଗିବା ଘଟଣାକୁ ନେଇ ଯାତ୍ରୀଙ୍କ ମଧ୍ୟରେ ତୀବ୍ର ଆତଙ୍କ ଦେଖାଦେଇଥିଲା। ଚଳନ୍ତା ଟ୍ରେନ୍ର କୋଚ୍ରୁ ହଠାତ୍ ଧୂଆଁ ଓ ନିଆଁ ବାହାରୁଥିବା ଦେଖି ଯାତ୍ରୀମାନେ ଭୟଭୀତ ହୋଇପଡ଼ିଥିଲେ। ଏହି ସମୟରେ ଘଟଣାସ୍ଥଳରେ ଉପସ୍ଥିତ ରେଳ କର୍ମଚାରୀମାନେ ତୁରନ୍ତ ସକ୍ରିୟ ହୋଇ ଅଗ୍ନିଶମ ଯନ୍ତ୍ର ସାହାଯ୍ୟରେ ନିଆଁ ଲିଭାଇବା ଆରମ୍ଭ କରିଥିଲେ। ସେମାନଙ୍କ ତ୍ୱରିତ ପଦକ୍ଷେପ ଯୋଗୁଁ ନିଆଁକୁ ଆୟତ୍ତ କରାଯାଇଥିଲା।
ସୂଚନା ଅନୁଯାୟୀ, ରବିବାର ଦିନ ପ୍ରାୟ ୧୧ଟା ସମୟରେ ଟ୍ରେନ୍ର ଏ-୨ କୋଚ୍ରୁ ପ୍ରଥମେ ଧୂଆଁ ବାହାରିବା ଆରମ୍ଭ ହୋଇଥିଲା। କିଛି ସମୟ ମଧ୍ୟରେ କୋଚ୍ରୁ ନିଆଁର ଶିଖା ଦେଖାଯିବାରୁ ତୁରନ୍ତ ଟ୍ରେନ୍କୁ ଅଟକାଇ ଦିଆଯାଇଥିଲା।
ଏହି ଘଟଣା ଯୋଗୁଁ ଟାଟାନଗର–ଏର୍ଣ୍ଣାକୁଲମ୍ ଏକ୍ସପ୍ରେସ୍ ଧୁତରା ଷ୍ଟେସନ ନିକଟରେ ପ୍ରାୟ ୨୫ ମିନିଟ୍ ଧରି ଅଟକି ରହିଥିଲା। ନିଆଁ ସମ୍ପୂର୍ଣ୍ଣ ଆୟତ୍ତ ହେବା ପରେ ଟ୍ରେନ୍ଟିକୁ ପୁନର୍ବାର ଝାରସୁଗୁଡ଼ା ଅଭିମୁଖେ ଛାଡ଼ି ଦିଆଯାଇଥିଲା।
Powered by Froala Editor
