ପ୍ରତ୍ୟେକ ଦୁର୍ଗାପୂଜା କମିଟିକୁ ୫୦ ହଜାର ଟଙ୍କା ଘୋଷଣା କଲେ ମମତା
କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ପ୍ରଚଣ୍ଡ ବହୁମତ ସହ କ୍ଷମତାକୁ ଫେରିଥିବା ମମତା ବାନାର୍ଜୀ ସରକାରଙ୍କ ବଡ ଘୋଷଣା । ପ୍ରତ୍ୟେକ ଦୁର୍ଗାପୂଜା କମିଟିକୁ ୫୦ ହଜାର ଟଙ୍କା ଘୋଷଣା କରିଛନ୍ତି ପଶ୍ଚିମବଙ୍ଗ ସରକାର । ଏନେଇ ସୂଚନା ଦେଇଛନ୍ତି ରାଜ୍ୟ ମୁଖ୍ୟଶାସନ ସଚିବ ।
ପଶ୍ଚିମବଙ୍ଗରେ ବେଶ ଧୂମଧାମରେ ପାଳନ ହୁଏ ଦୁର୍ଗାପୂଜା ପର୍ବ । ମମତା ସରକାର ଏହି ନିଷ୍ପତ୍ତି ଜରିଆରେ ବଡସ୍ତରରେ ଧାର୍ମିକ ଭାବନା ସହ ଜଡିତ ଜନସାଧାରଣଙ୍କୁ ଆକୃଷ୍ଟ କରିବାକୁ ପ୍ରୟାସ କରିଛନ୍ତି । ଏହାପୂର୍ବରୁ ଗତବର୍ଷ ମମତା ବାନାର୍ଜୀଙ୍କ ସରକାର ଦୁର୍ଗପୂଜା କମିଟିକୁ ନେଇ ବଡ ଘୋଷଣା କରିଥିଲେ ।ଗତବର୍ଷ ମମତା ବାନାର୍ଜୀ ଦୁର୍ଗପୂଜା କମିଟିକୁ ୫୦ ହଜାର କୋଟି ଟଙ୍କା ଅନୁଦାନ ଦେଇଥିଲେ । ସେବେ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ମମତା ସରକାର ଏହି ଘୋଷଣା କରିଥିବା କୁହାଯାଉଥିଲା । ଏବେ ମମତା ନିର୍ବାଚନରେ ବିଜୟ ହାସଲ କରି ମୁଖ୍ୟମନ୍ତ୍ରୀ ହୋଇସାରିଛନ୍ତି । ଆଗକୁ ପୁଣି ଉପନିର୍ବାଚନ ଥିବାରୁ ତୃଣମୂଳ କଂଗ୍ରେସ ନିଜ ପ୍ରସ୍ତୁତି ଆରମ୍ଭ କରିଦେଇଛି ।
Powered by Froala Editor
