ଛତିଶଗଡ :ବ୍ରାହ୍ମଣ ସମ୍ପ୍ରଦାୟ ବିରୋଧରେ ଅପମାନଜନକ ମନ୍ତବ୍ୟ ଦେଇଥିବା ଅଭିଯୋଗରେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ପିତା ନନ୍ଦ କୁମାର ବାଘେଲଙ୍କୁ  ଛତିଶଗଡ଼ ପୁଲିସ୍‌ ଗିରଫ କରିଛି। ନନ୍ଦ କୁମାରଙ୍କୁ ଗିରଫ କରିବା ପରେ ପରେ ପୁଲିସ୍‌ ତାଙ୍କୁ ରାୟପୁରର ଏକ କୋର୍ଟରେ ହାଜର କରାଇଥିଲା। ତେବେ, କୋର୍ଟରେ ବିଚାରପତି ତାଙ୍କ ଜାମିନ ଆବେଦନକୁ ଖାରଜ କରିଦେବା ସହ ତାଙ୍କୁ ୧୫ ଦନ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି।

ନିଜ ପିତାଙ୍କ ଗିରଫଦାରୀ ପରେ ମୁଖ୍ୟମନ୍ତ୍ରୀ ପୁତ୍ର ଭୂପେଶ ବାଘେଲ କହିଛନ୍ତି ଯେ ଆଇନର ଉର୍ଦ୍ଧ୍ୱରେ କେହି ନୁହନ୍ତି। ଜଣେ ମୁଖ୍ୟମନ୍ତ୍ରୀ ଭାବରେ ବିଭିନ୍ନ ସମ୍ପ୍ରଦାୟ ମଧ୍ୟରେ ସମନ୍ଵୟ ରକ୍ଷା କରିବା ମୋର ଦାୟତ୍ୱ ଅଟେ। ଯଦି ବାପା ଏକ ସମ୍ପ୍ରଦାୟ ବିରୁଦ୍ଧରେ ମନ୍ତବ୍ୟ ଦେଇଛନ୍ତି, ମୁଁ ସେଥିପାଇଁ ଦୁଃଖିତ। 

ସେ ଆହୁରି ମଧ୍ୟ କହିଛନ୍ତି; ପୁଅ ଭାବରେ ମୁଁ ମୋର ପିତାଙ୍କୁ ସମ୍ମାନ କରେ। କିନ୍ତୁ ଜଣେ ମୁଖ୍ୟମନ୍ତ୍ରୀ ଭାବରେ ତାଙ୍କର କୌଣସି ଭୁଲକୁ ଅଣଦେଖା କରାଯାଇପାରିବ ନାହିଁ। ଯାହା ସାଧାରଣ ଜନତାଙ୍କୁ ବିଘ୍ନ କରିଥାଏ। ସେ ମୁଖ୍ୟମନ୍ତ୍ରୀଙ୍କ ପିତା ହୋଇଥିଲେ ମଧ୍ୟ ଆମ ସରକାରରେ କେହି ଆଇନଠାରୁ ଉର୍ଦ୍ଧ୍ୱରେ ନାହାଁନ୍ତି।

ଉଲ୍ଲେଖଯୋଗ୍ୟ, ନନ୍ଦ କୁମାର ବ୍ରାହ୍ମଣମାନଙ୍କୁ ବିଦେଶୀ ବୋଲି କହି ସେମାନଙ୍କୁ ବାସନ୍ଦ କରିବା ସହ ଗ୍ରାମରେ ପ୍ରବେଶ କରାଇ ନଦେବାକୁ ଲୋକଙ୍କୁ ଆହ୍ଵାନ ଦେଇଥିଲେ। 

Powered by Froala Editor