୭୦୦ ତାଲିବାନ ଆତଙ୍କବାଦୀ ନିପାତ
କାବୁଲ: ଆଫଗାନିସ୍ତାନର ଉତ୍ତର ପୂର୍ବ ଅଞ୍ଚଳର ପଞ୍ଜଶୀର ଘାଟିରେ ତାଲିବାନ ଆତଙ୍କବାଦୀ ଏବଂ ବିଦ୍ରୋହୀ ବାହିନୀ ମଧ୍ୟରେ ଭୀଷଣ ଲଢେ଼ଇ ଚାଲିଛି । ତାଲିବାନ ଦଖଲରେ ପଞ୍ଜଶଈର ପ୍ରଦେଶର ସମସ୍ତ ପ୍ରମୁଖ ଅଞ୍ଚଳ ରହିଥିଲେ ମଧ୍ୟ ବିରୋଧୀ ବାହିନୀ ଏବେ ବି କଡ଼ା ଟକ୍କର ଦେଉଛନ୍ତି ଏବଂ ବିଗତ ୨୪ ଘଣ୍ଟା ମଧ୍ୟରେ ୭୦୦ ରୁ ଅଧିକ ଆତଙ୍କବାଦୀ ନିପାତ ହୋଇଛନ୍ତି । ବିଦ୍ରୋହୀମାନେ ୧୦୦୦ ରୁ ଅଧିକ ତାଲିବାନୀଙ୍କୁ ବନ୍ଦୀ ବନାଇଥିବା ମଧ୍ୟ ଖବର ମିଳିଛି । ତେବେ ତାଲିବାନ ବାହିନୀର ଦଖଲ ପ୍ରକି୍ରୟା ପଞ୍ଜଶୀର ସବୁ ଅଞ୍ଚଳରେ ଜାରି ରହିଥିବାରୁ ଏହାର ମୁକାବିଲା ପାଇଁ ବିଦ୍ରୋହୀ ସକ୍ଷମ ଦେଉନାହାନ୍ତି ଏବଂ ଖୁବଶୀଘ୍ର ପଞ୍ଜଶରୀରକୁ ତାଲିବାନ ନିଜ ନିୟନ୍ତ୍ରଣକୁ ନେବ ବୋଲି ଜଣାପଡିଛି । ଏଭଳି ସ୍ଥିତିରେ ତାଲିବାନ ବାହିନୀ ବିଦ୍ରୋହୀଙ୍କ ଉପରେ ଚାପ ସୃଷ୍ଟି ପାଇଁ ନିରୀହ ଲୋକଙ୍କ ଗଣହତ୍ୟା ନିମନ୍ତେ ପ୍ରସ୍ତୁତ ହେଉଥିବା ଜଣାପଡିଛି । ବିଦ୍ରୋହୀଙ୍କୁ ସମର୍ଥନ କରୁଥିବା ଅଭିଯୋଗରେ ତାଲିବାନ ଖୁବଶୀଘ୍ର ନରସଂହାର ଆରମ୍ଭ କରିବାକୁ ଯାଉଥିବାରୁ ଏଥିରେ ତୁରନ୍ତ ହସ୍ତକ୍ଷେପ କରିବା ପାଇଁ ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ଜାତିସଂଘକୁ ନିବେଦନ କରିଛନ୍ତି ।
Powered by Froala Editor
