ବାରିପଦା: ମୟୂରଭଞ୍ଜ ରାସଗୋବିନ୍ଦପୁର ଥାନା ଅଞ୍ଚଳରେ ମେଳା ଦେଖାଇ ନେବା ବାହାନାରେ ଯୁବତୀଙ୍କୁ ଦୁଷ୍କର୍ମ କରିବା ଘଟଣାର ରାୟ ଶୁଣାଇଛନ୍ତି କୋର୍ଟ । ଦୀର୍ଘ ୫ ବର୍ଷ ପରେ ପୀଡିତାଙ୍କୁ ମିଳିଲା ନ୍ୟାୟ । ଅଭିଯୁକ୍ତକୁ ୨୦ ବର୍ଷ ସଶ୍ରମ ଜେଲଦଣ୍ଡା ଦେଶ ଶୁଣାଇଲେ ବାରିପଦା ଅତିରିକ୍ତ ଜିଲ୍ଲା ଦୌରାଜଜ୍‌ କୋର୍ଟ । ଦୁଷ୍କର୍ମକାରୀକୁ ସାହାଯ୍ୟ କରିଥିବା ଅନ୍ୟ ଜଣେ ଅଭିଯୁକ୍ତ ଯୁବକକୁ ମଧ୍ୟ ୨୦ ବର୍ଷର ଦଣ୍ଡ ଶୁଣାଇଛନ୍ତି ଏଡିଜେ-୧ । ଅଭିଯୁକ୍ତ ଜଣଙ୍କ ହେଉଛନ୍ତି ବାରିପଦା ସଦର ଥାନା ଅନ୍ତର୍ଗତ ମେଘମାରି ଅଞ୍ଚଳର କୁସୁ ମୁର୍ମୁ । ଏହି କାଣ୍ଡରେ ତାକୁ ସାହାଯ୍ୟ କରିଥିବା ଯୁବକ ହେଉଛି ସେହି ଥାନାର ଚନ୍ଦନପୁର ଅଞ୍ଚଳର ମଣ୍ଡଳ ମାରାଣ୍ଡି ।ଗତ ୨୦୧୬ ମାର୍ଚ୍ଚ ୧୧ ତାରିଖ ସନ୍ଧ୍ୟାରେ ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଅଞ୍ଚଳରେ ଏହି ଅଭାବନୀୟ ଘଟଣା ଘଟିଥିଲା। ଅଭିଯୁକ୍ତ କୁସୁ ୨୦ ବର୍ଷିୟା ଯୁବତୀଙ୍କୁ ଜାଗର ମେଳା ଦେଖାଇବାକୁ ଡାକିଥିଲା । ପୀଡ଼ିତା ଅଭିଯୁକ୍ତ ନିକଟକୁ ଆସିବା ପରେ ଯୁବକ ଜଣଙ୍କ ସନ୍ଧ୍ୟାରେ ଜଙ୍ଗଲରେ ଦୁଷ୍କର୍ମ କରିଥିଲା । ଏହା ପରେ ଅଭିଯୁକ୍ତ ଜଣଙ୍କ ତାର ସାଙ୍ଗକୁ ଡାକି ପୀଡିତାଙ୍କୁ ତାଙ୍କ ଘର ପାଖ ଜଙ୍ଗଲରେ ଛାଡ଼ି ଦେଇ ଚାଲିଯାଇଥିଲେ । ସ୍ଥାନୀୟ ଲୋକେ ପୀଡ଼ିତାଙ୍କୁ ଉଦ୍ଧାର କରିଥିଲେ ।ଏନେଇ ଜଗଦୀଶ ବାସ୍କେଙ୍କ ଅଭିଯୋଗ କ୍ରମେ ରାସଗୋବିନ୍ଦପୁର ଥାନାରେ ଏକ ମାମଲା ରୁଜୁ ହୋଇଥିଲା । 

Powered by Froala Editor