ଆମେରିକାରେ କାମ କରୁଥିବା ବିଦେଶୀ କର୍ମଚାରୀଙ୍କୁ ‘ଗୋତି ଶ୍ରମିକ’ କହିଲେ ଜେଡି ଭାନ୍ସ
ନୂଆଦିଲ୍ଲୀ : ଆମେରିକା ଉପରାଷ୍ଟ୍ରପତି ଜେଡି ଭାନ୍ସ ଦେଇଥିବା ମନ୍ତବ୍ୟକୁ ନେଇ ବିବାଦ ସୃଷ୍ଟି ହୋଇଛି। ସେ ଏଚ୍-୧ବି ଭିସାରେ ଆମେରିକାରେ କାମ କରୁଥିବା ବିଦେଶୀ କର୍ମଚାରୀଙ୍କୁ ‘ଗୋତି ଶ୍ରମିକ’ କହିଛନ୍ତି। ଗ୍ରୀନ୍ କାର୍ଡ ସମ୍ବନ୍ଧୀୟ ପରମାନେଣ୍ଟ ଲେବର ସାର୍ଟିଫିକେସନ ପ୍ରୋଗ୍ରାମ (ପିଇଆରଏମ)ରୁ ଟାଟା, ଇନଫୋସିସ, ୱିପ୍ରୋ, ଏଚସିଏଲ ସମେତ ୮ଟି ଆଇଟି କମ୍ପାନୀଙ୍କୁ ନିଲମ୍ବିତ କରି ସେ ଏହି ମନ୍ତବ୍ୟ ଦେଇଥିଲେ। କମ୍ପାନୀଗୁଡ଼ିକ ଆମେରିକୀୟ କର୍ମଚାରୀଙ୍କୁ ଚାକିରିରୁ ବାହାର କରି କମ୍ ଦରମାରେ ବିଦେଶୀଙ୍କୁ ରଖୁଛନ୍ତି ବୋଲି ସେ କହିଥିଲେ। ଭାନ୍ସଙ୍କ ଏହି ବୟାନକୁ ଭାରତ ଦୃଢ଼ ବିରୋଧ କରିଛି। ଏଭଳି ମନ୍ତବ୍ୟ କେବେ ଆଶା କରାଯାଇନଥିଲା ବୋଲି କୁହାଯାଇଛି। ବୈଦେଶିକ ମନ୍ତ୍ରଣାଳୟ କହିଛି ଯେ ଆମେରିକା ଅର୍ଥନୀତିକୁ ମଜଭୁତ କରିବାରେ ପ୍ରବାସୀଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ସେମାନେ ହିଁ ଆମେରିକା ଅର୍ଥ ବ୍ୟବସ୍ଥାକୁ ସମ୍ଭାଳୁଛନ୍ତି। ଭାରତୀୟ ବୃତ୍ତିଧାରୀମାନେ ଆମେରିକାରେ ଦେଉଥିବା ଯୋଗଦାନକୁ ଉପେକ୍ଷା କରାଯାଉଛି। ଯନ୍ତ୍ରଣାଦାୟକ ଐତିହାସିକ ଓ ଉପନିବେଶବାଦୀ ପରମ୍ପରାର ଉଦାହରଣ ଦେଉଥିବା ଶବ୍ଦାବଳୀର ଆଶ୍ରୟ ନେବା ଅତ୍ୟନ୍ତ ଅପମାନଜନକ।
Powered by Froala Editor
