କେନ୍ଦୁଝରରେ ବନ୍ୟା ଆଶଙ୍କା
କେନ୍ଦୁଝର : କେନ୍ଦୁଝରରେ ବନ୍ୟା ଆଶଙ୍କା। ଦୁଇ ଦିନର ଲଗାଣ ବର୍ଷାରେ ବଢିଛି ବିଭିନ୍ନ ନଦୀର ଜଳସ୍ତର। ପାଟଣାରେ ବିପଦ ସଙ୍କେତ ଉପରେ ବୋହୁଛି ବୈତରଣୀ। ଜଳସ୍ତର ବଢିବାରେ ଲାଗିଛି। ବୈତରଣୀ ଆନନ୍ଦପୁର ଠାରେ ବିପଦ ସଂକେତ ଉପରେ ପ୍ରବାହିତ ହେଉଛି। ଆନନ୍ଦପୁର ରିଙ୍ଗ ବନ୍ଧରେ ସୃଷ୍ଟି ହୋଇଥିବା ଘାଇ ସ୍ଥାନରେ ମରାମତିରେ ବିଳମ୍ବ ଯୋଗୁ ପୁଣି ସେଠାରେ ପାଣି ପଶିବା ଆରମ୍ଭ ହୋଇଛି।
ଯୋଡା ଚମ୍ପୁଆ ଓ ଆନନ୍ଦପୁର ଅଞ୍ଚଳରେ ମଧ୍ୟ ବଢ଼ିଛି ଜଳସ୍ତର। ସ୍ଥିତିକୁ ଦେଖି ସଜାଗ ରହିଛି ପ୍ରଶାସନ। ବିପଦସଙ୍କୁଳ ଅଞ୍ଚଳରୁ ଲୋକଙ୍କୁ ସ୍ଥାନାନ୍ତର କରାଯାଇ ବନ୍ୟା ଆଶ୍ରୟ ସ୍ଥଳୀରେ ରଖାଯାଇଛି। ଯୋଡ଼ା ପୌରାଞ୍ଚଳରେ ପଶିଛି ସୁନା ନଦୀ ପାଣି। ସହରର ବିଭିନ୍ନ ଅଞ୍ଚଳ ଜଳ ମଗ୍ନ ହୋଇଛି।
Powered by Froala Editor
