ଯୌନଶୋଷଣର ଶିକାର ହେଲେ ନାବାଳିକା, ବଡ଼ବାପା ଓ ଦାଦାକୁ ବାନ୍ଧିଲା ପୋଲିସ
ବ୍ରହ୍ମପୁର: ବ୍ରହ୍ମପୁରରେ ପୁଣି ଯୌନଶୋଷଣ ଘଟଣା ସାମ୍ନାକୁ ଆସିଛି। ଦୁଇ ନାବାଳିକା ପରିବାର ମୁଖିଆଙ୍କ ଯୌନଶୋଷଣର ଶିକାର ହୋଇଛନ୍ତି। ଗୋଷାଣି ନୂଆଗାଁ ଥାନା ଅଞ୍ଚଳରେ ଏଭଳି ଲଜ୍ଜାଜନକ ଘଟଣା ଘଟିଛି। ଜଣେ ନାବାଳିକାଙ୍କ ଅଭିଯୋଗରେ ବଡ଼ବାପା ଓ ଦାଦାଙ୍କୁ ପୋଲିସ ବାନ୍ଧିଛି। ଦୁଇ ଅଭିଯୁକ୍ତ ତାଙ୍କ ଭାଇଙ୍କ ୧୭ ବର୍ଷୀୟା ଝିଅଙ୍କୁ ଯୌନଶୋଷଣ କରିଥିବା ନେଇ ପୀଡ଼ିତାଙ୍କ ବୟାନ ଆଧାରରେ ଗିରଫ ହୋଇଛନ୍ତି। ଏମ୍କେସିଜି ମେଡିକାଲରେ ରବିବାର ୨ ଅଭିଯୁକ୍ତଙ୍କ ଡାକ୍ତରୀ ମାଇନା କରାଯାଇଛି। ମାମଲା ନଂ. ୨୭୧/୨୬ରେ ସେମାନଙ୍କୁ କୋର୍ଟ ଚାଲାଣ କରାଯାଇଛି। ସେହିପରି ଜଣେ ଅଭିଯୁକ୍ତ ତାଙ୍କ ନିଜ ୧୨ ବର୍ଷୀୟା ଝିଅକୁ ମଧ୍ୟ ଯୌନଶୋଷଣ କରିଥିବା ନେଇ ଥାନାରେ ଆଉ ଏକ ଅଭିଯୋଗ ହୋଇଛି। ଉକ୍ତ ଅଭିଯୋଗକୁ ଭିତ୍ତିକରି ପୋଲିସ ଅନ୍ୟ ଏକ ମାମଲା ନଂ. ୨୭୨/୨୬ ରୁଜୁ କରିଛି। ଅଭିଯୁକ୍ତଙ୍କ ବିରୋଧରେ କୋର୍ଟରେ ରିମାଣ୍ଡ ରିପୋର୍ଟ ଦାଖଲ କରାଯିବ ବୋଲି ପୋଲିସ କହିଛି। ୨ ପୀଡ଼ିତାଙ୍କୁ ସିଡବ୍ଲ୍ୟୁସିରେ ହାଜର ପରେ ବ୍ରହ୍ମପୁରସ୍ଥିତ ଉତ୍କଳ ବାଳାଶ୍ରମରେ ରଖାଯାଇଛି। ପୋଲିସ ଘଟଣାର ତଦନ୍ତ ଜାରି ରଖିଛି।
Powered by Froala Editor
