ଭୁବନେଶ୍ବରରୁ ରାଞ୍ଚିକୁ ଉଡ଼ିବ ବିମାନ
ଭୁବନେଶ୍ବର: ବିଜୁ ପଟ୍ଟନାୟକ ଆନ୍ତର୍ଜାତିକ ବିମାନ ବନ୍ଦରରୁ ଆସନ୍ତା ୧୧ ତାରିଖରୁ ରାଞ୍ଚିକୁ ବିମାନ ଚଳାଚଳ କରିବ। ଏୟାର ଇଣ୍ଡିଆର ସହାୟକ କମ୍ପାନୀ ଆଲାଏନ୍ସ ଏୟାର ପକ୍ଷରୁ ବିମାନ ଚାଲିବ। ଭାୟା ରାଞ୍ଚି ଦେଇ କଲକାତା-ଭୁବନେଶ୍ୱର ମଧ୍ୟରେ ବିମାନ ଚଳପ୍ରଚଳ କରିବ ବୋଲି ବିଜୁ ପଟ୍ଟନାୟକ ବିମାନ ବନ୍ଦର ପକ୍ଷରୁ ସୂଚନା ମିଳିଛି।
ପ୍ରତି ରବିବାର, ସୋମବାର, ବୁଧବାର ଓ ଶୁକ୍ରବାର ଏହି ବିମାନ ସେବା ଉପଲବ୍ଧ ହେବ। ୭୦ ଆସନ ବିଶିଷ୍ଟ ଏୟାରକ୍ରାଫ୍ଟ ବିମାନ ଏହି ମାର୍ଗ ପାଇଁ ମୁତୟନ କରାଯିବ। ଏହି ବିମାନ ଚଳପ୍ରଚଳ କରିବା ଦ୍ୱାରା ରାଞ୍ଚି ଓ ଭୁବନେଶ୍ୱର ମଧ୍ୟରେ ଯାତ୍ରୀ ବିମାନ ଯାତ୍ରା ସୁବିଧା ପାଇପାରିବେ। ଗତ ଦେଢ ବର୍ଷ ହେଲା କରୋନା ଯୋଗୁଁ ବିମାନ ଚଳାଚଳ ପ୍ରଭାବିତ ହୋଇଛି। ଦେଶରେ ସଂକ୍ରମଣ ହାର ହ୍ରାସ ପାଉଥିବାରୁ ବିମାନ ସେବାକୁ ସ୍ବାଭାବିକ କରିବା ପାଇଁ ଉଦ୍ୟମ ଆରମ୍ଭ ହୋଇଛି।
Powered by Froala Editor
