ସାମାଜିକ ଗଣମାଧ୍ୟମରେ ଇସ୍କନ ଅନୁଗାମୀଙ୍କ ଅସଭ୍ୟ ଓ ଅଶାଳୀନ ଆଚରଣ
ଭୁବନେଶ୍ୱର : ବିଦେଶରେ ଅଦିନିଆ ରଥଯାତ୍ରା ଆୟୋଜନକୁ ପ୍ରବାସୀ ଓଡ଼ିଆ ଏବଂ ଜଗନ୍ନାଥପ୍ରେମୀ ବାରମ୍ବାର ବିରୋଧ କରୁଥିବାବେଳେ ଇସ୍କନ ଅନୁଗାମୀ ସେମାନଙ୍କୁ ଗାଳିଗୁଲଜ କରିବା ଆରମ୍ଭ କରିଛନ୍ତି। ସାମାଜିକ ଗଣମାଧ୍ୟମରେ ଇସ୍କନ ଅନୁଗାମୀଙ୍କ ଅସଭ୍ୟ ଓ ଅଶାଳୀନ ଆଚରଣ ଦେଖିବାକୁ ମିଳିଛି। ସୂଚନା ଅନୁଯାୟୀ, ନ୍ୟୁୟର୍କରେ ଅଦିନିଆ ରଥଯାତ୍ରାକୁ ନେଇ ସାମାଜିକ ଗଣମାଧ୍ୟମରେ ଆପତ୍ତି ଉଠାଇଥିଲେ କିଛି ଓଡ଼ିଆ। ଏପରିକି ‘କୁକୁର’ କହିବାକୁ ମଧ୍ୟ ସେମାନେ ପଛାଇ ନାହାନ୍ତି। ଗୋଟିଏ ପରେ ଗୋଟିଏ କମେଣ୍ଟ ଦେଇ ଓଡ଼ିଆଙ୍କ ପ୍ରତି, ଓଡ଼ିଶା ପ୍ରତି ଥିବା ନିଜର ଆକ୍ରୋଶକୁ ଜାହିର କରିଛନ୍ତି। ଇସ୍କନ ଅନୁଗାମୀଙ୍କ ଏଭଳି ଆଚରଣକୁ ବିଭିନ୍ନ ମହଲରେ ନିନ୍ଦା କରାଯାଇଛି।
Powered by Froala Editor
