ଥୁଆମୂଳ ରାମପୁର : ୧୦ ବର୍ଷର ଶିଶୁ କାହାର ବା କ’ଣ କ୍ଷତି କରିପାରେ? କାହାର ବା ସେ ଶତ୍ରୁ ହୋଇପାରେ?? ମାତ୍ର ତାକୁ ଅତି ନିର୍ମମ ଭାବେ ଗୋଡେ଼ଇ ଗୋଡେ଼ଇ ହତ୍ୟା କରାଯାଇଛି । କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ଥାନା ଅଧୀନ ଥୁଆମୂଳ ଭଟାଗୁଡା ଗ୍ରାମରେ ଏହି ଘଟଣା ଚାଞ୍ଚଲ୍ୟ ଖେଳାଇ ଦେଇଛି । ବୁଧବାର ଦିନ ୧୨ଟା ସମୟରେ ଜଣେ ନରପିଶାଚ ଶିଶୁଟିକୁ ଗୋଡ଼ାଇ ଗୋଡ଼ାଇ ଅତି ନିର୍ମମ ଭାବେ ହତ୍ୟା କରିଥିବା ଅଭିଯୋଗ ହୋଇଛି । ନିରୀହ ଶିଶୁ ହେଉଛି, ଥୁଆମୂଳ ରାମପୁର ଥାନା ଅନ୍ତର୍ଗତ ଭାଟଗୁଡା ଗ୍ରାମର ଘାସିରାମ ମାଝୀଙ୍କ ୧୦ ବର୍ଷର ପୁଅ ଅନୀଲ । ଅନୀଲକୁ ସେହି ଗ୍ରାମର ଜୟସିଂ ଜାନୀ (୪୨) ନାମକ ଜଣେ ବ୍ୟକ୍ତି ହତ୍ୟା କରିଥିବା ଜଣାପଡ଼ିଛି । ସୂଚନା ଅନୁସାରେ, ଜୟସିଂ ଟାଙ୍ଗିଆରେ ଗୋଡ଼ାଇ ଗୋଡ଼ାଇ ହାଣି ହତ୍ୟା କରିଥିବା ଥାନାରେ ଅଭିଯୋଗ ହୋଇଛି । ଶିଶୁଟିକୁ ହତ୍ୟା କରିବା ସହିତ ଆଉ କେତେଜଣଙ୍କୁ ଆକ୍ରମଣ ବି କରିଥିଲା । ତା’ର ଆକ୍ରମଣ କରି ଘାସିରାମଙ୍କ ବଡ଼ପୁଅ ଦେବାନନ୍ଦ ଏବଂ ଜଣେ ବୃଦ୍ଧ ତାମା ଜାନୀଙ୍କୁ ଆହତ ହୋଇଥିବା ଜଣାପଡ଼ିଛି । ଅନ୍ୟପକ୍ଷରେ ସେ କାହିଁକି ଏପରି କାଣ୍ଡ କଲା, ତାହା ଜଣାପଡ଼ିନାହିଁ । ଅଭିଯୋଗ ପରେ ଥାନା ଅଧିକାରୀ ଗୋବିନ୍ଦ ମାଝୀ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିବା ସହ ଥାନାରେ ଅଟକ ରଖି ପଚରାଉଚରା କରୁଛି ।

Powered by Froala Editor