ବିଧା ଗୋଇଠା ମାରି ଛଡ଼ାଇନେଲେ ଗାଡ଼ି
ଭୁବନେଶ୍ୱର : ରାଜଧାନୀରେ ଏବେ ଚୋରି ଡକାୟତି ବଢ଼ିବାରେ ଲାଗିଛି । ସ୍ଥିତି ଏମିତି ହୋଇଛିଯେ, ଲୋକଙ୍କୁ ମାଡ଼ ମାରି ବାଇକ ବି ଛଡ଼ାଇ ନେଉଛନ୍ତି । ଏଭଳି ଏକ ଘଟଣା ଜନୈକ ସାମ୍ବାଦିକଙ୍କ କ୍ଷେତ୍ରରେ ଘଟିଛି ।
ମିଳିଥିବା ସୂଚନାନୁଯାୟୀ, ଏକ ୱେବପୋର୍ଟାଲରେ କାମ କରୁଥିବା ଜନୈକ ସାମ୍ବାଦିକ ଅଫିସ ସାରି ଘରକୁ ଫେରୁଥିଲେ । ବାଟରେ ସେ ଏକ ସ୍ଥାନରେ ଲାଇଭ କରି ଗୀତ ଗାଉଥିଲେ । ଏହି ସମୟରେ ଜଣେ ଅପରିଚିତ ଯୁବକ ସେଠାରେ ପହଁଚି ଗୀତ ଶୁଣିଥିଲେ । ପରେ ଉଭୟଙ୍କ ମଧ୍ୟରେ ବନ୍ଧୁତା ହୋଇଥିଲା । ରାତି ଅଧିକ ହେବାରୁ ସଂପୃକ୍ତ ଯୁବକ ଜଣଙ୍କ ତାଙ୍କୁ ଘରେ ଛାଡ଼ିଦେବାକୁ କହିଥିଲେ । ପରେ ସେ ତାଙ୍କୁ ଗାଡ଼ିରେ ଛାଡ଼ିବାକୁ ଯାଉଥିବାବେଳେ ଉକ୍ତ ଯୁବକ ଜଣଙ୍କ ବିଧା ଗୋଇଠା ମାରି ଗାଡ଼ି ଛଡ଼ାଇ ନେଇଥିଲେ । ଏନେଇ ସାମ୍ବାଦିକ ଜଣଙ୍କ ଲକ୍ଷ୍ମୀସାଗର ଥାନାରେ ଏତଲା ଦେଇଛନ୍ତି । ତୁରନ୍ତ ଗାଡ଼ି ଚୋରକୁ ଧରିବା ସହ ଗାଡ଼ି ଉଦ୍ଧାର କରିବା ପାଇଁ ସାମ୍ବାଦିକ ସଂଘ ପକ୍ଷରୁ ଦାବି କରାଯାଇଛି ।
Powered by Froala Editor
