କେରଳର ଜଣେ ୧୦ ମାସର ଝିଅ ରାଜ୍ୟର ସର୍ବକନିଷ୍ଠ ଅଙ୍ଗ ଦାତା ହୋଇପାରିଛନ୍ତି। କେରଳର ପଠାନମତିଟ୍ଟା ଜିଲା ମାଲାପ୍ପଲ୍ଲୀର ୧୦ ମାସର ଶିଶୁ ଆଲିନ୍ ଶେରିନ୍ ଅବ୍ରାହମ ସବୁଠାରୁ କମ୍ ବୟସର ଅଙ୍ଗଦାନକାରୀ ହେବାର ଗୌରବ ଅର୍ଜନ କରିଛନ୍ତି। ରାଜ୍ୟପାଳ ରାଜେନ୍ଦ୍ର ବିଶ୍ୱନାଥ ଆର୍ଲେକର ଓ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ସମେତ ବିଭିନ୍ନ ବ୍ୟକ୍ତି ତାଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିଛନ୍ତି । ତାଙ୍କ ପିତାମାତାଙ୍କ ଅଙ୍ଗ ଦାନ ନିଷ୍ପତ୍ତିକୁ ମଧ୍ୟ ପ୍ରଶଂସା କରିଛନ୍ତି।

ଗତ ଫେବୃଆରୀ ୫ ତାରିଖରେ ଏକ ସଡ଼କ ଦୁର୍ଘଟଣାରେ ଆଲିନ୍ ଗୁରୁତର ଭାବେ ଆହତ ହୋଇଥିଲେ। ସେ ନିଜ ମାଆ ଓ ଜେଜେବାପା-ଜେଜେମାଙ୍କ ସହ କୋଟ୍ଟାୟମରୁ ଥିରୁଭଲ୍ଲା ଯାଉଥିବା ସମୟରେ ଏକ କାର୍ ସହ ମୁହାଁମୁହିଁ ଧକ୍କା ହୋଇଥିଲା। କୋଚିର ଅମୃତା ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ଫେବୃଆରୀ ୧୩ରେ ଡାକ୍ତର ତାଙ୍କୁ ‘ବ୍ରେନ୍ ଡେଡ୍’ ଘୋଷଣା କରିଥିଲେ। ଅସୀମ ଦୁଃଖ ମଧ୍ୟରେ ଆଲିନଙ୍କ ପିତା ଅରୁଣ ଅବ୍ରାହମ ଏବଂ ମାତା ଶେରିନ୍ ଆନ୍ ଜନ ନିଜ ଝିଅର ଅଙ୍ଗଦାନ ପାଇଁ ସମ୍ମତି ଦେଇଥିଲେ।

ଲୋକେ ଝିଅଟିର ପିତାମାତାଙ୍କ ଦୟା କାର୍ଯ୍ୟକୁ ଏକ ଉଲ୍ଲେଖନୀୟ ପଦକ୍ଷେପ ଓ ସମଗ୍ର ମାନବତା ପାଇଁ ଏକ ବାର୍ତ୍ତା ବୋଲି କହିଛନ୍ତି। ଯାହା ତାଙ୍କୁ ରାଜ୍ୟର ସବୁଠାରୁ କନିଷ୍ଠ ଅଙ୍ଗ ଦାତା କରିଥିଲା ବୋଲି ଅଧିକାରୀମାନେ କହିଛନ୍ତି। ତାଙ୍କ ଅଙ୍ଗ ଦ୍ବାରା ୫ ଜଣଙ୍କୁ ନୂଆ ଜୀବନ ମିଳିଛି।

Powered by Froala Editor