ହତ୍ୟା ଧମକ, ନ୍ୟାୟ ପାଇଁ ଗୁହାରି କଲେ ସାତ୍ୟକୀ ମିଶ୍ର
ଭୁବନେଶ୍ବର: ପାରବାରିକ ବିବାଦକୁ ନେଇ କଟକ ଡିସିପିଙ୍କୁ ଭେଟିଛନ୍ତି ଓଡ଼ିଆ ଅଭିନେତା ସାତ୍ୟକୀ ମିଶ୍ର । ମିଳିଥିବା ସୂଚନା ଅନୁସାରେ ପୈତୃକ ସମ୍ପତ୍ତି ଓ ବ୍ୟବସାୟିକ ପ୍ରତିଷ୍ଠାନର ମାଲିକାନାକୁ ନେଇ ଓଲିଉଡ ଅଭିନେତା ସାତ୍ୟକୀ ମିଶ୍ରଙ୍କୁ ହତ୍ୟା କରିବାକୁ ଧମକ ଆସିଛି । ପୁସ୍ତକ ପ୍ରକାଶନ ସଂସ୍ଥା ‘କଟକ ଷ୍ଟୁଡେଣ୍ଟ ଷ୍ଟୋର’ ମାଲିକାନାକୁ ନେଇ ବିବାଦ ହୋଇଥିଲା । ଦୁଇ ବଡ଼ବାପାଙ୍କ ପୁଅଙ୍କ ବିରୋଧରେ ଅଭିଯୋଗ ଆଣିଛନ୍ତି ସାତ୍ୟକୀ । ଗତ ୬ ତାରିଖରେ ସାତ୍ୟକୀଙ୍କ ଘରେ ପଶି ତାଙ୍କ ବୃଦ୍ଧ ବାପାଙ୍କୁ ହତ୍ୟା ଧମକ ଦେଇଥିବା ଅଭିଯୋଗ ହୋଇଛି । ପୁରୀଘାଟ ଥାନାରେ ଏତଲା ସତ୍ତ୍ବେ କାର୍ଯ୍ୟାନୁଷ୍ଠାନ ନ ହେବାରୁ ଡିସିପିଙ୍କୁ ଭେଟିଛନ୍ତି ସାତ୍ୟକୀ । ଡିସିପିଙ୍କୁ ଭେଟି ନିଜ ପରିବାରର ସୁରକ୍ଷା ଓ ନ୍ୟାୟ ପାଇଁ ଗୁହାରି କରିଛନ୍ତି ।
Powered by Froala Editor
